Педесетгодишен таксист од Битола денеска едвај спасил жива глава откако битолчанец  во Горно Оризари, наводно стрелајќи во куче со пушка, го погодил и оштетил такси возилото, кое  било паркирано во оваа наслебата. Таксистот за среќа минал без повреди, а случајот го пријавил во полиција. Полициските службеници, по извршениот претрес во домот и други простории на М.Н од Битола,  пронашле пушка и куршуми, по што го притвориле битолчаенцот. Во продолжение соопштението од СВР Битола.

Жестоки реакции  на социјалните мрежи предизвика  веста што ја објави апла.мк дека малолетници во алкохолизирана состојба, возејќи скутер со огрмна брзина на Шеталиште, прегазија куче кое мирно спиело. Бараат да се казнат малолетниците, затоа што, велат,  доколку не се санкционира ваквото однесување, тоа создава поголеми проблеми и несреќи во иднина. Граѓаните вината ја лоцираат во органите на прогонот, но и кај родителите, затоа што децата биле надвор и без контрола во 3 часот по полноќ, а се однесувале недолично, но и опасно.

Малолетници во алкохолиизрана состојба возејќи со огромна брзина со скутер по битолското шеталиште, прегазија куче кое мирно спиело, објави на својата ФБ страницата Здружението за заштита на животните „Мали херои“ од Битола. Настанот се случил во саботата, 2 часа по полноќ, кога малолетниците дивеејќи по шеталиштетот со скутерот поминале преку вратот на кучето.