Победничката коалиција  на локалните избори во Битола,  предводена од СДСМ , за една недела очекува да го формира и новиот состав на Советот на Општина Битола, во кој освои мнозинство  советнички места.

-Нашите информации се дека во текот на утрешниот ден, ќе ги добиеме сертификатите, за советници и за избор на градоначалник . Очекуваме во среда да биде првата конститутивна седница на Советот  на Општина Битола –изјави Валентин Груевски, носител на советничката листа на СДСМ и коалицијата и иден  претседател на Советот на Општина Битола.

Независната листа „Поинаку“ освои две  советнички места во новиот состав на битолскиот Советот. Идните советници ќе бидат: носителката на независната советничка листа Габриела Илиевска и вториот на листата Иван Чулаковски.

Нашата работа ќе биде видлива, транспарентна и отчетна. Советот ќе биде подршка на новиот градоначалник, но и коректив на нејзината работа, на работата на општинската администрација, порача Валентин Груевски , носител на листата на СДСМ и коалицијата.

-На 16 октомври  да го почестиме Талески со едно големо сиктер кафе, како симбол дека тој, неговите пајташи и политиките кои ги водеше никогаш повеќе не смеат да и се случат на Битола, порача Груевски во изборната кампања.  

СДСМ и коалицијата-17 советнички мандати, ВМРО-ДПМНЕ -11, „Поинаку“ -2 советника, и коалицијата на Албанците „За Битола“ -1 советник, ваква е сликата од вчерашното гласање на шестите по ред локални избори во Битола за новиот состав на Советот на Општина Битола.  

Ниту еден градоначалник на Битола повеќе не смее да си замине од функцијата без да даде отчет како и на што ги потрошил парите на битолчани.