Полицискиот  час наместо во 21 часот како што беше случај досега, од среда ќе почнува во 16 часот и ќе трае до пет часот наутро. Ова е заклучок од денешната владина седница. За време на викендот 24 часовен карантин. 

Денеска во Крушево се регистрирани првите двајаца заболени од КОВИД-19. Станува збор за брачен пар, а едниот од нив е вработен во крушевската текстилна фабрика „Фалко“, поради што сите вработени од утре ќе одат во самоизолација, а оваа фабрика се затвора.

Целосно спремна е болницата во Битола таму има и анестезиолози и инфектолози и медицински сестри. Еден целосно физички одделен  дел да биде Регионален центар за пациентите што доаѓаат од тој дел на земјата. Има респираторни машини и места за интензивна нега. Во овој момент вкупната бројка на кревети е 35 со можност да порасне до сто, во зависност од бројот на пацинети има предвид за прогресија и за земање на други делови од болнцата во Битола“, рече министерот за здравство Венко Филипче на денешната пресконференција.     

По објавата на апла.мк дека Министерсвото за здравство потврди за уште двајца позитивни на КОВИД 19 во во приватната гинеколошко акушерска болница „Плодност“, денеска се огласи и сопственикот на болницата д-р Таше Трпчевски. И тој ја потврди информацијата, но вели дека не уште двајца, туку тројца од персоналот на Плодност се позитивни на КОВИД19, затоа што гинеколог од Прилеп вчера потврдил дека е заразен со корона вирусот.