АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 17, 2025
Директно
Глумицата Соња Михјалова ја доби наградата за животно дело на МТФ "Војдан Чернодрински" во Прилеп
Мај 05, 2025
По предлог на НУ Народен Театар Битола актерката Соња Михајлова, доајенка на македонската театарска сцена и долгогодишен член на Народниот театар во Битола, е добитничка на наградата за животно дело доделена од Собранието на Македонскиот театарски фестивал „Војдан Чернодрински“ во Прилеп, соопшти Битолскиот театар.
Ова признание претставува круна на нејзината плодна и инспиративна кариера, која трае повеќе од четири децении
Родена на 14 октомври 1958 година во Битола, Соња Михајлова дипломирала на Факултетот за драмски уметности во Скопје во 1983 година, во класата на проф. Љубиша Георгиевски. Истата година се вработила во Народниот театар – Битола, каде останала до нејзиното пензионирање во 2022 година. Иако во пензија, Михајлова изјави дека останува посветена на театарот, велејќи: „Глумата и театарот се засекогаш со мене и во мене“ .
Соња Михајлова е добитничка на бројни награди и признанија, меѓу кои:
-Награда за млад актер на Фестивалот „Војдан Чернодрински“, Прилеп.
-Награда „Ристо Шишков“ за улогата на Петра фон Кант.
-Награда за најдобро актерско остварување за улогите на Сандра Заум во претставата „Магна карта“ и Цвета во „Балканот не е мртов“.
-Награда за најдобра женска епизодна улога за ликот Мирса во претставата „Бегалка“
-Награда „Златна маска“ за најдобра женска улога во претставата „Свирач на покривот“
-Награда за најдобра женска улога за ликот на Каесар во претставата „Јулиј Цезар“ на Фестивалот на античка драма „Стоби“
-И оваа година -награда за животно дело на Фестивалот „Војдан Чернодрински“.
Михајлова има богата кариера со улоги во театарски, филмски и телевизиски проекти. Некои од нејзините познати улоги вклучуваат:
„Табакерата“ (1972)
„Јужна патека“ (1982)
„Бушава азбука“ (1985)
„Трговецот од Солун“ (1985)
„Девојките на Марко“ (1987)
„Ѕвездите на 42-та“ (1987)
„Еурека“ (1989)
„Прекалени“ (1994)
„Северо источно од југозапад“ (2000)
„Што сонува кучето“ (2000)
„Сенки“ (2007)
„Збогум Румелија“ (2008)
„Македонски народни приказни“ (2010)
„Тврдокорни“ (2013)
„До балчак“ (2014)
„Лимоната“ (2015)
„Големото прогонство во Кавкасија“ (2015-2016)
„Обожение“ (2016)
„Кајмак“ (2022)
„Црвениот поет“ (2024) .
Со околу 150 одиграни ролји, Соња Михајлова не мирува. Иако пензионер таа настапува во НУ Народен театар Битола со концептуалната монодрама ,,Куфер.МК,, во која ја сумира нејзината животна и творечка приказна .
Со својата оригиналност, неуморност и посветеност, Соња Михајлова остави длабок печат во македонската театарска уметност и останува инспирација за идните генерации актери.
Горди сме на тебе Соња.
Ти благодариме .
Поклон до земја.
ПРИЕМ НА ДРЖАВНИТЕ ПРВАЦИ ВО РАКОМЕТ ОД ГИМНАЗИЈАТА „ЈОСИП БРОЗ ТИТО“
Битола не случајно е расадник на талентирани спортисти, особено во ракометот и кошарката, беше потенцирано на денешната средба на градоначалникот на општина Битола Тони Коњановски, со државните прваци од гимназијата „Јосип Броз Тито“ во ракомет во машка и женска конкуренција, на ниво на средни училишта во земјава. На средбата, покрај учениците спортисти, присуствуваа и директорката на гимназијата Лидија Споа, како и професорите по физичко образование Антонио Трпковски и Михајло Силјанов, заслужни за успешните резултати на нивните ученици.
Градоначалникот Коњановски им честиташе на младите спортисти, за одличниот пласман и освоените први места на машката и женската екипа на гимназијата во ракомет, во конкуренција на над 90 екипи од средните училишта во државата, на кошаркарите, кои во конкуренција од 94 екипи, го освоија третото место, како и на одбојкарките, кои исто така освоија бронза.
„Освоените пехари, се само доказ дека имаме иднина во спортот и таа иднина треба постојано да ја надградуваме. Како локална самоуправа, континуирано вложуваме во училишниот спорт, што се потврдува и со реконструкцијата на спортските сали. Аплициравме за изградба на нови три спортски сали, како и за 10 спортски терени во училиштата. Успехот на нашите ученици е само мотив повеќе, да се грижиме за младите и за нивниот квалитетен физички развој и идни домашни и меѓународни спортски успеси“, рече Коњановски.
Гимназијата „Јосип Броз Тито“, во континуитет покажува одлични спортски резултати. Годинава, истакна директорката Лидија Споа, гимназијата беше домаќин и одличен организатор на државното првенство во кошарка за средни училишта, кое федерацијата на училишен спорт на Македонија за учебната 2024/2025 година, организацијата ја додели на Општинскиот сојуз на училишен спорт на Битола. Целокупната агенда на државниот настан, планот и програмата на државното првенство ја презеде СОУ Гимназија „Јосип Броз Тито“ и Стручниот актив по спорт и спортски активности.
Битола горда - Обновена спомен куќата "Гоце Делчев"
Април 30, 2025
Во недела на 4.05. во 20 часот, свечено отварање на Спомен- куќата ,,Гоце Делчев" во Битола, информираат од Завод и музеј Битола
Екипи на КЈП НИСКОГРАДБА Битола работат на крпење на прекопи и ударни дупки со две работни групи, притоа потрошени се околу 30 тони асфалт.
Најчитани
