Седумнаесетгодишна девојка е тешко повредена во страшната сообраќајка која се случила синоќа на патот Битола - Прилеп. 

Полицијата соопшти дека вчера во 22.18 часот во СВР Битола било пријавено дека на патот А3 Битола-Прилеп, патничко возило „опел“, со битолски регистарски ознаки, управувано од Н.П.(41) од Демир Хисар удрило во животно и излетало од коловозот. 

„Во несреќата со тешки телесни повреди се здобила 17-годишна сопатничка, а со телесни повреди М.П.(65), и двете од Демир Хисар, констатирани во Клиничката болница во Битола, стои во соопштението.

Увид на местото на несреќата извршила екипа од СВР Битола.