Проектот е на Иницијативниот одбор за оплеменување на автохтоната пловна фауна на реката, кој ги пушти пајките во Драгор во јули годинава, по што беше поставено и засолниште до ѕидот на коритото, на дел кој беше на суво. Сега, пајките останаа без нивното живеалиште, кое е поплавено, а се гледа само стреата.

Оваа идеа се реализираше и  покрај големото загадување на водата во реката, затоа што во неа се слева дел од канализацијата, а истот така, речното корито со години е неисчистено, па многумина се прашуваа како и колку пајките ќе преживеат во ваква средина, а и дали ќе ги издржат поларните температури во зима, кога често се случува реката Драгор да замрзне.