Вчера по повод Денот на пролетта во повеќе училишта беа одржани еколошки акции за чистење на околината, што е за пофалба. Но, ден по акцијата видете како некои ученици на улица го расфрлаа ѓубрето од ужинката за време на големиот одмор. Сликата е направена на улица „Дебарска“ во Битола. И ова не е само денес, туку слика која се среќава за жал, секој ден. Иако покрај продавницата има корпа за отпадоци, учениците пакувањата од храната ги фрлаат по земја. Ова покажува дека еколошката свест кај учениците треба да се гради секојдневно, а не само еднаш во годината.