Здружението на Украинците во Република Северна Македонија „Лесја Украинка“ денеска се обрати до македонското раководство со замолување да се преземат сите можни мерки за да се покаже единството на Северна Македонија со украинскиот народ и да се поддржи правото на избор на секоја нација да ја одбере сопствената иднина и да одлучува за сопствената судбина.

„Украина е во првите редови во одбраната на демократијата и слободата. Повикуваме на обединет фронт кој ќе се залага за заштита на заедничките европски вредности и ќе остане решен да му се спротивстави на агресорот“, се наведува во соопштението на Здружението на Украинците „Лесја Украинка“.

Како што соопштуваат од здружението, тие заедно со дипломатите од Амбасадата во близина на споменикот на Тарас Шевченко во центарот на Скопје одржале заедничка акција #StandWithUkraine. Главна цел на акцијата била да се демонстрираат сплотеноста и единството на Украинците ширум светот и правото на Украина да ја избере сопствената иднина.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар