„ Голема дискусија се водеше околу запишувањето за купување дрва за пензионерите. Беше речено дека лани имаше доста пропусти на тој план поради што годинава ќе биде посистематски извршена таа работа. Шумските претпријатија откако ќе добијат од Влада одобрение колкава количина дрва ќе може да биде исечена за огрев, ќе треба да се најдат фирми за сечење и за дотур на дрва, па пензионерите со нив ќе склучат договор“, соопштија од Здружението на пензионери.

Новина е и тоа што договорите ќе се склучуваат по месните ограноци на Здружението за да не доаѓа до метеж. Се очекува да се сечат околу 10 000 метри кубни дрва за потребите на пензионерите од Битолско. Минатата година се исекло дрво од 10 500 просторни метри за потребите на 1630 пензионери.

Извршниот одбор на состаникот што се одржа деновиве ја прифати програмата за активности во следната година која е мошне богата и разновидна.

По повод новогодишните празници одлучија да донираат по 75 чаршафи во Старскиот дом „Сју Рајдер“ и Хосписот за термална нега во Битола.

Ќе бидат доделени и новогодишни пакетчиња за децата од Заводот за лица со оштетен слух и говор „Кочо Рацин“ и за учениците од специјалните паралеки во ОУ„ Ѓорги Сугарев“.