Велат немало битолчани, хм, чудно, многу чудно како оние кои не беа, се класифицираат себеси како најголемите битолчани и најголемите љубители на филмот, а замислете ги нема на ниту една проекција, во ниту еден ден до крајот на Фестивалот. Демек од инает, демек во знак на револт. Револт за што?! За лоши стајлинзи? Стајлингот е прашање на вкус, а за вкусови не се расправа. Ако тие немаат огледало по дома, Вашите коментари бидете сигурни дека нема да ги допрат, ниту па в година ќе бидат нешто поскоцкани, тоа или го имаш или го немаш во себе!

За сенсот и културата? Прашање на менте. Или си фабрички направен да внимаваш и да бидиш дама или господин, колку и да не те интересира или ќе си останеш културно неписмен и ќе оставаш вибероО да ти ѕвони на глас на секои 15 минути.

За протоколот? Има совршен?! НЕ! А ретко кој „прогорва“ за крупната слика. Кога ќе се сетам кои имиња и великани на кинематографијата ја „згазнале“ Битола, за оние другите (вие си ги знаете епитетите) кои ја „газат“, ама ИЧ не ми е гајле, не ги перцепирам! Факт е дека и кадро и некадро “гази“, не мораме БАШ секоја година да вергламе како да ја откривме Америка! Ама факт е исто така, и тоа несоборлив, дека тие великани иделе, идат и ќе идат...тука...кај нас „малите и смешните“. Ние „малите“ сме им домаќини ден, два...пет. Сериозно мислите дека им е важно дали штиклите и вратоврските им одговараат со остатокот од пљачките на гостите?! Зрно сме им во животите светски, а сепак одбрале да дојдат, да испочитуваат! Зошто?! Не, не затоа што се ненормални, професионалци се!!! Е баш затоа!

И кога сме кај професионалност,не сум од оние што користат шанса заради ниски политички страсти да плукнат држава и општина на оваа од светски ранг манифестација! Сакам да го поздравам и да се поклонам на професионализмот, ја поздравувам организацијата, ја поздравувам заложбата на сите досегашни директори ( вклучувајќи ја и сегашната ) на Центар за култура, кои со години биле на ниво на задачата, без исклучок. Ги поздравувам нашите новинари заради кои сето ова и добива светски лик. И ги поздравувам сите оние кои мислат дека Битола не ја бива...го „згазнаа“ црвениот тепих за да ги „залепи“ камера и први ја напуштија салата. Со такви локал-патриоти, Битола никогаш и нема да ја биде! Чуден начин за постигнување на уште почудна поента!

Ама неисе, ИФФК „Браќа Манаки“ е нешто со кое треба да се гордееме и НЕ, нема да ни го земат во Скопје. Овде е МЕСТОТО, овде е магијата,овде сме ние...битолчаните...се ̀уште не има.

Tell the clouds да пуштат троа дожд да ни го измие злото од мислите и устите.

автор: Татјана Крнчева, член на Советот на Општина Битола