АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Насловот е и доста конфузен и не разјаснува на кој „албански премиер“ се однесува написот. Собранието на Република Северна Македонија се распушти на 16 февруари поради распишувањето на предвремените парламентарни избори на 12 април, но истите се одложија како последица на кризата со корона вирусот. Веќе неколку месеци земјата ја води техничка Влада на чело со Оливер Спасовски.
Ако во насловот е направена некоја техничка грешка, тогаш според член 3 од Етичкиот Кодекс на новинарите:
- Новинарот ќе настојува да биде обезбедено објавување на исправка, демант и одговор во случај кога ќе биде утврдена неточност на информацијата.
Непрофесонална е и содржината на написот. Сликите и содржината се преземени од Фејсбук профилот на кандидатот за премиер од редовите на ДУИ, Насер Зибери, и се пласирани како вест.
Денес бев во посета на местата на вечен одмор на поранешниот претседател Борис Трајковски, како и на поранешниот претседател на Партијата за демократски просперитет, Имер Имери. Два историски соработници кои влијаат врз изградбата на денешното мултиетничко општество. Имаме посебна чест и почит кон луѓето кои дадоа голем придонес во развојот на мултиетничкиот карактер на земјата, кои оставија големо наследство преточено во Рамковениот Охридски договор, кој веќе стана дел од преамбулата на Уставот на Република Северна Македонија, како еден од главните столбови на кои е изградена земјата – напишал Зибери на неговиот профил на Фејсбук.
Правилното и точното известување има голема важност, посебно за време ма предизборната кампања. Важно е новинарите да произведуваат медиумски производи според професионалните стандарди и да не го замараат читателот со непотребни информации. Ова го препорачува и Етичкиот кодекс на новинарите:
- Новинарот треба да прави разлика меѓу фактите и мислењата, меѓу веста и коментарот.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.
