АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Насловот е поставен во прашална форма, но не е одговорено во текстот што се пласира. Уште во првиот пасус се спинува лажна информација, со која непознатиот автор тврди дека Танески е сменет од позицијата шеф на изворен штаб, користејќи ја добро познатата фраза со повикување на свои високи партиски извори, кои редовно остануваат анонимни.
Веста воопшто не е точна, за што СДСМ веднаш објави демант со кој ги негираше информациите на Охрид 24:
- Не се работи за никаква смена на Таневски, бидејќи градоначалникот на Охрид Константин Георгиески одамна е избран за еден од тројцата заменици на шефот на штаб уште од подготовките за предвремени избори составен уште на почетокот на оваа година. Бидејќи Таневски има бројни и интензивни средби со граѓани како кандидат за пратеник, градоначалникот на Охрид Константин Георгиески ги врши сите клучни оперативни работи во штабот во соработка со Таневски и сите членови на бројниот Општински изборен штаб.
Порталот наведува дека се обиделе да го контактираат Танески за потврда, но иако не успеле, па ја продолжува приказната, наведувајќи наводни причини за „смената“ на Танески:
- На местото од Таневски е поставен градоначалникот на Охрид, Константин Георгиески, а причина за смената на неколку дена пред гласањето на предвремените парламентарни избори, е лошата поставеност во општинската организација и недоволната активност на терен што ескалирало со посетата на Охрид на носителката на листата во 5-тата изборна единица, Радмила Шекеринска.
На овој начин се деградира и оцрнува кандидатот за пратеник од редовите СДСМ и актуелен претседател на Изборниот штаб. Веста беше споделувана по социјалните мрежи и предизвика многу негативни коментари на сметка на Танески.
Порталот Охрид 24 до денес го нема објавено демантот на СДСМ, што е прекршување на професионалните новинарски стандарди.
- Новинарот ќе настојува да биде обезбедено објавување на исправка, демант и одговор во случај кога ќе биде утврдена неточност на информацијата, стои во член 3 од Кодексот на новинарите.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.
