Ученици немаат превоз за да стигнат до своите училишта, а градоначалникот Тони Коњановски со авион лета во Брисел!

За време на посетата на РЕК Битола каде се одбележа Денот на рударите, запршан дали државата ќе одговори на барањата на бизнисмените да им се помогне во справување со високите сметки за електрина енергија и да им плаќа дел од нив, министерот Бектеши рече дека државата веќе му помага на стопанството, а посочи дека има и злоупотреби како што е случајот со Општина Битола и ЈП Жабени.

Управниот одбор на Детско ликовно студио "Свети Кирил и Методиј" Битола на денешната седница донесе едногласна одлука да ја прифати финансиската поддршка за плати и трошоци до крајот на годината понудена од страна на Општина Битола, соопштија од Детското ликовно студио.

Општина Битола, по денешната реакција на пазарџиите со закупени тезги во Новиот реонски пазар, кои побараа промена на одлуката со цел да се вратат на претходната локација на паркинг просторот и таму да ги продаваат производите, ги известува пазарџиите и граѓаните дека во Новиот пазар веќе се преземени сите мерки за подобрување на условите и надминување на пречките за закуп на тезги.

На 26 април Управниот одбор на ЈП Пазари донесе одлука со која што се укинува претходната одлука донесена од 2014 година и се носи одлука идентична со претходната, само се укинува продажбата на производи на паркингот од камион.

На 29 април на седница на Совет истата одлука беше едногласно усвоена од страна на сите советници, со одредени забелешки, кои ЈП Пазари требаше да ги отстрани.

Едно од барањата беше реорганизација на тезгите, која е комплетно завршена, според форма која е најфункционална и за пазарџиите и за купувачите. Нефункционалноста и нехигиената во тоалетите е отстранетa како забелешка, а се направи и соодветно обезбедување на влезови и излези на пазарот за слободен дотур на храна, со што сите забелешки се отстранети, а дополнително се набавени колички за дотур на стока.

Ваквиот потег на ЈП Пазари, следуваше по големиот број на реакции од страна на граѓаните кои што живеат во околината на пазарот, реакциите од страна на дуќанџиите кои што имаат дуќани во пазарот и од страна на закупците во пазарот, пред сѐ на нехигиената која што беше составен дел од продажбата на паркинг просторот, без никакви хигиенско-технички услови за продажба на храна.

ЈП Пазари континуирано работи на подобрување на условите за продавачите, така што се обезбедени 24 слободни уредени тезги, односно продажни места во Новиот реонски пазар и 30 плацеви за продажба од камион/приколка во Градскиот пазар.