Велосипедската федерација на Македонија,  избра нови селектори. Африм Јусуфи долгогодишен спортски работник, тренер на ВК „Пелистер“, „15 Мај“ и поранешен репрезентативец е избран за нов селектор на сениорската велосипедска репрезентација.

Тоа што го соопштува насловот како информација, не може да се најде во содржинскиот дел на текстот што се споделува на Фејсбук. Податоците од истражувањето, пренесено во написот, покажуваат дека дури и вакцинираните може да појават симптоми односно да се заболат, со тоа што вакцините спречуваат развивање на потешка клиничка состојба, хоспитализација и смрт од овој и другите соеви на коронавирусот. Заклучокот, пак, изнесен во насловот дека „има луѓе на коишто делта сојот на вирусот не им може ништо“, е паушален и неточен

Со вакцинирањето телото нема да ви се претвори во магнет, затоа што во составот на вакцините нема никакви метали. Од американскиот Центар за контрола и превенција на болести (ЦДЦ) потенцираат дека не е точно оти вакцинирањето ќе ве направи магнетни, вклучително и на местото на вакцинацијата, односно раката. Вакцините против ковид-19 не содржат состојки што можат да создадат електромагнетно поле на местото на инјектирање. Без оглед на тоа колку онлајн видеа и фотографии сте виделе на луѓе кои лепат лажици, клучеви и останати метални производи на нивните лица, магнетите не функционираат така. Лепењето на тие предмети може да биде од неколку причини што немаат никаква врска со вакцините, како, на пример, човечката пот

Проект вреден 100.000 долари кој вклучува конзервација и презентација на мозаици и архитектура на археолошкиот локалитет Хераклеја кај Битола ќе биде финансиран со гранд од САД обедбеден преку Амриканската амбасада во Македонија.      

Согласно проекната апликација, со конзерваторските зафати ќе бидат опфатени мозаичните површини и архитектурата во делот на Малата и Големата базилика, Базилика Е, потоа, Епископската резиденција, кружната кула, градската фонтана и друго.

Во работна посета на археолошкиот локалитет беше американската амбасадорка Кејт Брнс.

„Среќна сум што американскиот народ ќе помогне во заштитата на ова културно наследство кое ќе остане на генерациите што доаѓаат“ - рече амбасадорката Брнс.

Прокетот беше одобрен кон крајот на минатата година. Подготвителните активности се веќе во тек, конзерваторските проекти се веќе во завршна фаза на изработка и од Завод и музеј од Битола се надеваат дека во најскоро време ќе започнат со реализација.

„Конзерваторските интервенции кои во вака голем обем, интегрално, за прв пат се превземаат токму благодарение на овој грант, не само што ќе овозможат зачувување на овие исклучително вредни културни добра по кои Хераклеа е препознатлива, туку ќе дадат и едно ново светло и значење на самиот локалитет“, соопштија од Завод и музеј Битола.

Во оваа прилика, директорката на НУ „Завод и музеј“ – Битола, д-р Мери Стојанова, изјави: „Би сакала да се заблагодарам на владата на Соединетите американски држави, за одобрените средства, на американската амбасадорка, г-ѓа Кејт Бурнс, за несебичната поддршка и пријателство кои имавме можност да ги почувствуваме во изминатиот период и се надевам дека по завршувањето на овој повеќегодишен проект, заедно ќе имаме можност да се радуваме на постигнатите резултати. Исто така би сакала да се заблагодарам на сите колеги и соработници кои на различен начин придонесуваат за успешна реализација на овој проект, и кои со своите заложби овозможуваат да бидеме подобри и поуспешни“.