АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 29, 2025
Анета Блажевска
Прво починато лице од коронавирус во овој бран во Битола
Август 06, 2021Министерството за здравство информира, согласно податоците од Институтот за јавно здравје:
Во последните 24 часа се направени 5.959 тестирања, а регистрирани се 325 нови случаи на КОВИД-19:
Скопје – 101, Тетово – 95, Гостивар – 43, Куманово - 26, Струга - 10, Охрид, Дебар и Кичево – по 7, Прилеп, Кочани и Македонски Брод – по 4, Струмица, Радовиш и Пехчево – по 3, Кавадарци и Штип – по 2, Битола, Велес, Берово и Виница – по 1.
Регистрирани сe 11 оздравени пациенти од: Скопје – 6, Куманово – 2, Тетово, Гостивар и Валандово – по 1.
Пријавено е едно починато лице од Битола (55г), починатo во болнички услови.
Направени се 5.959 тестови преку: ИЈЗ-124, ЦЈЗ Скопје-55, ЦЈЗ Битола-100, ЦЈЗ Прилеп-50, ЦЈЗ Тетово–67, ЦЈЗ Куманово–68, Клиника за инфективни болести и фебрилни состојби-0, Судска медицина-3, лабораторија болница Козле-0, УК Пулмологија со алергологија 5, ГОБ 8-ми Септември-10, Институт за микробиологија–22, Жан Митрев (Филип Втори)-115, Авицена-502, Биотек-329, Систина-72, лабораторија Лаор-763, Синлаб-66, Ремедика-10, Плодност–44, Генеа–1, Никоб лаб-993, ВФВ Медикал-57, Ели Медика-23, ЈЗУ и ПЗУ (рапид тест) – вкупно 2.480.
Досега во земјата се направени вкупно 1.005.162 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 157.251 бројката на оздравени пациенти е 150.481, на починати е 5.502, а бројот на активни случаи изнесува 1.268.
Според епидемиолошки анализи во моментов во Битола има 38 сктивни случаи.
Забрана за движење во шумските предели и за претстојните празници Св.Ана и Св.Петка.
Вработени од Службата за техничка сигурност во РЕК летово ги исчистија Еврејските гробишта во Битола
Август 06, 2021Седуммина вработени во Службата за терхничка сигурност при РЕК „Битола“ ги исчистија од вегетација Еврејските гробишта во Битола. Вработените кажуваат дека помош од Компанијата да се вклучи во чистењето била побарана од израелскиот амбасадор Дан Оријан, а тие акцијата ја спровеле во јули. Со чистењето ги опфатиле сите пет хетари од гробиштата. Теренот го исчистиле со тримери набавени од страна на Синдикалната организација при РЕК„Битола“. Истата оваа екипа го исчисти од трева и друга вегетација опкружувањето на манастирот „Св. Арангел“ во Битола. Вработените велат дека ова е уште еден доказ за Компанијата како општество одговорна која им помага на граѓаните и институциите.
По примерот за Глобал да се издвијат 500 000 денари за помош на настраданите подрачја од пожарите во земјава, предложи координаторот на ВМРО-ДПМНЕ Ивначо Тпшевски на денешната средница на Совет. Претседателот на Советот Валентин Груевски му рече дека дел од пожарите се уште во тек, па не постои жиро сметка каде да се упатат парите, но затоа пак Општината останува на располагање да помогне отакако огнот ќе биде изгаснат.
„По примерот на одлуката што ја донесовма не 18.02. 2021 година кога беа издвоени средства од буџетот на Општина Битола за опожарениот Глобал, предлагам да донесеме одлука денес, и да биде точка на дневен ред, одлука за одвојување на средства од буџетот на Општинма Битола за помош на настраданите подрачја од пожарите што ја зафатија Македонија и кои уште се во тек. Ќе ги причитам насловите што ги следевме сите ние од типот дека авионите ќе бидат сервисирани во октомври и не биле сервисирани цели две години, хеликоптерот на ЦУК не може да интервенира поради немање на гориво. Предлогот е да се издвојат 500 000 денари помош од општина Битола за настраданите подарачја“, рече Тошевски.
Претседателот на Советот Валентин Груевски му одговори дека пожарите уште траат и нема сметка каде да се уплатат парите.
„Се додека не се расчисти ситуацијата и не се кажи јавно, како Општина не можеме да реагираме во тој дел. Но, стоиме на располагање понатаму кога ќе се јави потреба како и секаде што сме помагале и како Совет и како Општина да помогнеме и таму , поради тоа ќе гласаме воздржано“, рече Груевски.
Пожари деновиве има во Кочани, Пехчево, Старо Нагоричане и во други делови од државата
КОЛУМНИ
Најчитани
