По успешно завршената санација на дефектот во село Логоварди, корисниците во овој дел имаат нормален тек во водоснабдувањето, соопштија од ЈП „Водовод’’.

Вчера поради дефект на водоводна мрежа АЗЦ Ф100, во село Логоварди имаше прекин во водоснабдувањето. Се работеше на тешкопристапен терен и во временските неприлики, но се презедоа сите потребни мерки за да се нормализира водоснабдувањето. 

  Ве известуваме дека денес,  07.10.2021, поради дефект на водоводна мрежа АЗЦ Ф100, во село Логоварди има прекин во водоснабдувањето.

Градоначалникот на Престолнината Цетиње Александар Кашќелан, заедно со висока делегација од Црна Гора и амбасадорката на Црна Гора во земјава, денеска беше во официјлна посета на Општина Битола и оствари средба со градоначалничката Наташа Петровска.  Ова е прва официјална средба на Петровска и Кашќелан, по минатогодишното електронско збратимување на Битола и Цетиње. 

Центарот за култура, по повод премиерата на новиот филм за славниот агент 007, подготви и изложба со постери од сите досегашни филмови, која од денес, па во следните неколку денови ќе биде поставена во фоајето пред влез во 3Д киното. Џејмс Бонд, јунакот од романите на Ијан Флеминг, првпат им беше претставен на гледачите во 1962 година, во филмот „Доктор Но“, со Шон Конери во главната улога, кој успеа на агентот да му даде неодолив шарм, кој трае и денес. Потоа, Конери се појави уште во пет продолженија: „Од Русија со љубов“, „Голдфингер“, „Операцијата Гром“, „Се живее само двапати“ и „Дијамантите се вечни“, како и во неофицијалната продукција на „Никогаш не вели никогаш“.

Помеѓу последните два филма го замени актерот Џорџ Лејзенби, во хитот „Во тајна служба на нејзиното величество“. Лејзенби, со наполнети 30 години, е најмладиот Џејмс Бонд во историјата. Во оваа збирка филмови ќе биде достапна и пародијата „Казино Ројал (1967)“, снимена според првата книга на Флеминг.

Британскиот актер Роџер Мур ја презел улогата во 1973 година и настапувал во седум филма: „Живеј и остави ги другите да умрат“, „Човекот со златен пиштол“, „Шпионот што ме сакаше“, „Операција Вселена“, „Само за твоите очи“, „Октопуси“ и „Поглед на убиство“. Кон крајот на 1980-тите, Тимоти Далтон ја презеде улогата во два филма, кои ја покажаа и понежната страна на агентот 007 – „Здивот на смртта“ и „Дозвола за убиство“. Пирс Броснан првпат го гледавме во улогата на Џејмс Бонд во 1995 година, во филмот „Златно око“. Освен во овој филм, Броснан успеа да ги спои елеганцијата на Шон Конери и харизмата на Роџер Мур уште во три филма, кои во текот на 1990-тите станаа холивудски класици: „Утрешнината никогаш не умира“, „Светот не е доволен“ и „Умри некој друг ден“.

По пауза од четири години, Даниел Крејг е актерот што го оживеа серијалот со филмот „Казино Ројал (2006)“, кој се смета за еден од најдобрите филмови за Џејмс Бонд во историјата. Во следните три филма во кои настапуваше, „Зрно утеха“, „Скајфол“ и „Спектра“, ги гледаме човечноста и маните на Бонд, со што гледаме друг пристап до славниот лик, на кој обожавателите не се навикнати. Најновиот филм од франшизата, со наслов „Нема време за умирање“, е и последно појавување на Крејг во улогата на агентот 007, а премиерата е закажана за вечерва во 3Д киното во Битола.

Во текот на вчерашниот ден аплицирани се вкупно 3.458 дози вакцини, од кои 873 се аплицирани како прва доза, 2.513 се ревакцинирани, а 72 граѓани примиле трета доза вакцина. Заклучно со 6 октомври вкупно се вакцинирани 793.179 граѓани, ревакцинирани се 743.374, а трета доза примиле 571 граѓани. 53% од граѓаните над 40 годишна возраст се ревакцинирани, а 33% од популацијата од 18 до 39 години примиле барем една доза вакцина. 

Опфатот со вакцинација со една доза вакцина, на полнолетната популација е 47% , а со две дози опфатени се 44% од граѓаните над 18 години. Според бројот на аплицирани вакцини, 38% од целата популација во нашата земја е вакцинирана, а 35% од популацијата во државата примила две дози вакцина.  

На местото на некогашниот постер со панорама од стара и нова  Битола, во градоначалничкиот кабинет во Битола, сега поставена е иустрација од реставрираниот Офицерски дом, поточно од реновираната концертна сала. Така, битолскиот Версај не само што го краси Широк Сокак, туку негова слика сега го разубавува и работното место на првиот човек во Општината. Постерот е поставен по иницијатива на градоначалничката Петровска, во чиј мандат беше реставриран објектот кој долги години претходно беше запуштен и оставен без соодветна грижа. 

Изминатиот викенд Шумската полиција со полни раце работа, а во  три спроведени акции, затекнати се неколку прекршители.