Кандидатот за градоначалник на Битола од СДСМ, Методија Куновски, заедно со кандидатите за советници, остварија средба со здравствените работници од градот.
 
 
Во атмосфера исполнета со почит кон „белите мантили“ – хероите на денешното време, Куновски ја изрази својата благодарност за нивната посветеност и пожртвуваност во грижата за здравјето на граѓаните.
 
Тој побара поддршка од здравствените работници и вети дека, како иден градоначалник, ќе биде целосно посветен на подобрување на здравството во Битола.
 
 
„Ќе се заложам за подобри услови во здравствените установи и за набавка на неопходна опрема со цел поефикасно функционирање на здравствениот систем“, истакна Куновски.