„Во 18,30 часот пријавена е случена сообраќајна незгода на улица Партизанска во која учествувале две патнички возила „форд мондео“ и двете со битолски ознаки, управувани од Д.Ј. (29) од село Крстоар и П.А.(62) од Битола. Во незгодата Д.Ј. се здобил со телесни повреди“, соопштија од полицијата.

Според она што на терен го затекнаа новинарските екипи, пет возила, меѓу кои четири автомобили и едно комбе го чекаа увидот на полицијата. Новинарските извештаи укажуваат на две сообраќајни незгоди поврзани една со друга. Имено, две од возилата се судриле, третото закочило, а позади него се удриле возило и комбе. Последните две возила минале без оштетувања. На фотогрфиите направени на местото на несреќата меѓу возилото и комбето се гледа искршен материјал на асфалтот. Воедно , искршени се и три улични контејнери.