Во Битола поминат е врвот на пролетниот бран, бројките се намалуваат но бавно, анализира професорот Трајковски

Април 23, 2021

Ви ја пренесуваме последната математичко статистичка анализа на универзитетскиот професор од Техничкиот факултет во Битола, др. Дејан Трајковски

Во Битола сме веќе 16 дена далеку од врвот на новозаразувањето (на првиот дијаграм), а деновиве поминуваме и преку врвот на смртните случаи (на вториот дијаграм).

FB IMG 1619210737885

Иако пролетниот врв на дневниот број на нови случаи е повисок за околу 54% во однос на есенскиот, пролетниот врв на смртните случаи е понизок од есенскиот за околу 11%. Оваа дивергенција добро ја покажуваат зелените линии на двата дијаграми.
 
 FB IMG 1619210714255
Истиот заклучок го изведуваме и преку седумдневната подвижна стапка на леталитет, на третиот дијаграм. Во однос на ноемврискиот бран леталитетот во априлскиот бран е двојно понизок. Допрва ќе има доста работа за анализирање на оваа појава, кои лекови или медицински процедури биле применети пролетва, за разлика од есента, дали евентуално се извлечени некакви поуки од есента - во секој случај преполовениот леталитет донесе и намален морталитет. Да не било така, наместо просечно по 3, ќе гледавме просечно по 6 смртни случаи на ден. Инаку, на државно ниво леталитетот е практично константен полни 9 месеци
 
 FB IMG 1619210756390
Во Битола се уште има отворен голем број на активни случаи и многу хоспитализирани. Овие два врва обично побавно се намалуваат, но добро е барем да се знае дека се и тие достигнати. 

FB IMG 1619210761261

 
 
 
Несреќата доаѓа бргу, ама заминува полека. Да не забораваме дека моменталниот просечен дневен број на случаи (околу 48), колку и да ни изгледа мал во однос на последниот врв, тој е само минимално понизок од ноемврискиот максимум од околу 57 случаи на ден. Во Битола ќе биде потребно максимално внимание барем уште 2-3 недели.
Сподели

Login to your account

Username *
Password *
Remember Me
© 2020 АПЛА.мк. Сите права се задржани