Партиски митинг во салата во општина Могила одржа синоќа ВМРО-ДПМНЕ за поддршка во вториот круг на изборите на Стево Пивковски, кој тврдеше дека е независен канидадат.

Пивковски, срдечно го пречека и се поздрави со претседателот на ВМРО-ДПМНЕ, Никола Грувески, кој, на истото место, пред четири години,  во кампањата за локалните избори го нарече преварант. Синоќа заедно им се обратија на могилчани и ја побараа довербата од нив.

На овие локални избори паднаа и бастионите на ВМРО-ДПМНЕ во руралните средини, односно селата во кои оваа партија, традиционално книжеше гласови на свое конто. Очигледно не помогнаа и милионските суми за субвенции за земјоделците,со кои  во изминатите години се фалеше Владата на Груевски  и каде партијата ги имаше своите најголеми поддржувачи.

По завчерашниот пораз на локалните избори, владее молк од општинскиот комитет на ВМРО-ДПМНЕ во Битола. Од партијата немаа ни јавно обраќање, а нивниот поразен кандидат за градоначалник Зоран Илиоски до граѓаните се обрати преку фејсбук.

Штама пред општинскиот комитет на ВМРО-ДПМНЕ во Битола. Под клуч е вечерва седиштето на партијата на Никола Груевски во строгиот центар на Битола. Колегите кои се терен велат дека „нема жива душа во комитетот“ ,

Битолчани да си ја вратат тапијата од Битола, порачаа денеска од ВМРО-ДПМНЕ, но, не посочија каде е, кој им ја одзел и од кого треба да ја земат. Партијата која 10 години ја имаше централната власт и 12 години, односно три мандати, локалната власт во Битола, денес на последниот ден од изборната кампања за овие локални избори, обвини за притисоци и закани од страна на СДСМ врз јавната администарација, пензионерите, ранливите категории граѓани...