Денот на антифашистичкото востание на македонскиот народ и почетокто на народноослободителната борба, 11 Октомври, денеска се одбележува и во Битола.

Со уредување на тротоарите на улицата  „8ми Септември“ , односно влезот во Битола од страната на Прилеп, деновиве завршува реконструкцијата на оваа фреквентна сообраќајница,   по што ќе следи хоризонтална и вертикална сигнализација. Истовремено се уредува и тротоарот на улицата „Булевар 1 ви Мај“, под Музичкото училиште, информираат од локалната самоуправа. 

-Во рамките на инфаструктурните активности, на улицата „8ми септември“ се уредува тротоарот, а паралено со оваа локација, се уредува и тротоарот под Музичкото училиште. Двете локации имаат опфат од 600 метри, за што од буџетот на Општина Битола се издвоеи 1 милион денари за спроведување овие активности, рече градоначалничката Наташа Петровска.

Реконструкцијата на северниот главен сообраќаен влез во Битола  започна во април, при што беше променета и канализационата мрежа, а нов асфалт е поставен во должина од 2,5 километри. За реалзиација на овој проект Општина Битола издвои 8,5 милиони денари, а допoлнителни средства се обезбедени и од ЈП за државни патишта.

Градончалничката Петровска информираше дека се очекува сите започанти инфраструктурни зафати во Битола и некои рурални населби да завршат до крајот на оваа градежна сезона.

-Покрај овие инфраструктурни активности, во тек се и останатите, а со завршувањето на оваа градежна сезона, во ноември сите зафати ќе бидат затворени. Во зависност од тоа како ќе овозможуваат временските услови,така ќе се движиме со инфраструктурните зафати, рече Петровска.

Паралелно, се работи и на магистралниот пат Прилеп-Ресен, на обиколницата над Битола, а во  поголемиот дел на оваа делница поставен е нов асфалт. Оваа реконструкција ќе чини околу 1,5 милиони  евра, а се очекува градежните работи да бидат завршени и пред предвидениот рок од осум месеци.

Неколку  автобуси на МИГ травел од Битола , вечерва се паркирани на улицата „Булевар 1 ви Мај“, веднаш наспроти општинската зграда па се до зградата на Ректоратот.

Денес  во „Паркот на шампионите“ во Битола, во близина на Ќумурното игралиште,  е поставена   „Кока кола активна зона“ , проект на Пивара Скопје и компанијата Кока Кола, кој се реализиара трета година по ред.  Станува збор за четиринаесеттата активна зона, која е бесплатна и достапна за употреба 24 часа на ден,  каде граѓаните од сите генерации  ќе можат да се рекреираат и да се дружат.

Со цел подигање на јавната свест за чиста и здрава животна околина и унапредување на еколошкото образование,  денеска во близина на паркот кај градскиот часовник, во куќичката на Дедо Мраз беше отворен Еко центар, каде преку разни активности граѓаните ќе бидат вклучени во еколошки проекти.