СДСМ го поздравува отпочнувањето на градежните активности за санација на спортската сала Боро Чурлевски за да се исполнат критериумите за играње на ракометни натпревари од Лигата на шампиони.

Срамота е градот на македонскиот ракомет, Битола, уште да се игра во спортска сала што ја направил другарот Јосип Броз-Тито, а и таа е упропастена, остар во коментарите беше Гино Стрезовски, поранешен ракометар, тренер и редовен професор по ракомет на Факултетот за физичка култура во Скопје.

Училиштето   ОУ „Елпида Карамнди“ од Битола, кое како и останатите во градот, пред 4 месеци беше со блокирана сметка и долг од 500 илјади евра, без услови за набавкка на основни  средства, сега веќе започнува со реконструкција на се она што долги години беше запоставено. за само неколку месеци, комплетно се реновирани соблекувалните и санитарните јазли во училишната спортска сала во ОУ „Елпида Караманди“ во Битола, за што вкупно се вложени 750 илјади денари од општинскиот буџет. Овој простор за кој најчесто се однесуваа забелешките на санитарната инспекција, затоа што беше целосно руиниран и 40 години без никаков зафат, сега доби нов лик, но и соодветни услови за изведување настава за физичко воспитување во ОУ „Елпида Карамнди“, од каде најавуваат и покрупни градежни зафати.

-До пред 4 месеци имавме блокирани сметки 8 години, поради што не можеше да се планира, ниту да се изведи било какава активнос. Откако се одблокираа сметките, почнавме со активности, а првата работа беше реновирање на спортската сала затоа што забелешките на санитарните инспеткции се однесуваа токму на овој простор. Целосно е променет водоводот и одводот, извршено е поплочување, бојадисување, ги променавме стаклата на дограмата, реновирана е и канцеларијата на наставниците, рече Татајана Дамчевска, директор на ОУ „Елпида Караманди“-Битола.

Градоначалничката Наташа Петровска рече дека оваа реконструкција на соблекувалните и санитарните јазли во училишната спортската сала е само најава за следните пообемни зафати.

-Општина Битола веќе ја подготви јавната набавка во висини од 2,5 милиони денари во ова училиште, по што ќе имаме сосема поинаков изглед на ова училиште, онаков каков што заслужуваат децата, рече градоначалничката Петровска.

Директорката Дамчевска рече дека со деблокирана сметка веќе полесно се планираат следните чекори во училиштето.

-Зградата на училиштето се наоѓа во многу лоша состојба, треба да се реновира, исто и покривот, промена на надворешна и внатрешна дограма, подот и системот за греење. Долгот  беше 500 илјади евра, пари со кои можеше да се изгради ново училиште. Откако имаме одблокирани сметки, училиштето може нормално да работи и редовно се обезбедуваат канцелариски материјали и потребни средства за учениците, а дополнително се набавени се две паметни табли, десет зелени магнетни табли, една бела табла, големо проекционо платно за презентации и филмови, една бела подвижна табла, три училници за одделенска настава се опремени со клупи и столици, а во моментов се обновува осветлувањето во сите училници“, истакна Дамчевска која изрази благодарност до Советот на родители, за кои како шторече постојано се вклучени во сите активности на училиштето. 

Лани училиштето доби два грата од ЕУ во висина од 130 илјади евра кои ќе бидат наменети во обука на наставници за работи со деца кои имаат потешкотии со учењето и размена на додобри практики за подобрување на технологијата на основните училишта. 

Е.М. 

Спортската сала во ОУ „Трифун Пановски“ во Битола, доби сосема нов лик. Од руиниран објект, опасен и небезбеден за  учениците,  со испаднат малтер, дупки на ѕидовите и таваните, откорнат и уништен паркет, сега учениците во ова училиште имаат можност наставата по физичко воспитување да ја следат во современа спортска сала.

-Во реконструктивните зафати во спортската сала во ОУ „Трифун Пановски“, Општината вложи над 1,5 милион денри. Станува збор за сала која што долги години била оставена на забот на времето. 300 ученици кои што учат во ова училиште ќе имаат можност да узведуваат настава по физичко воспитување, што е на посебно задоволство на целата локална самоурава. Ова е начинот на кој што можеме да градиме здраво тело во здрав дух, пред се,  создвање услови за тоа, изјави градоначалничкта Наташа Петровска.

Комплетно се реновирани и соблекувалните, а наксоро во училишната спортска сала ќе бидат поставени и 11 рефлектори, со што цеосно се менува сликата за овој објект.

-Училиштетот долги години имаше потреба од оваа спортска сала, бидејќи од времето на отворањето а ова крло на училиштето па до ден денешен беше малку направено за функционирање на ваа сала. Претежно наставата се одвиваше во школскиот двор,  меѓутоа со програмата по физчко образование предвидени се активности во спортска сала, така што задоволни сме што локалната самоуправа ни илезе во пресрет на нашите барања после долги години. Ние ќе се оддолжиме  со школски успеси, со работа, со правилно восптување на нашите идни генерации. Убеден сум дека тоа ќе го искорстиме тоа до максимум, рече директорот на ОУ „Трифун Пановски“, Пеце Димовски.

Е. Мисирлиевски

Новиот изглед на училишната спортска сала во ОУ „Трифун Пановски“

Еве како изгледаше училишната спортска сала пред реконструкцијата