Антоанела Стојаноска, претставник од Државен просветен инспекторат и претседател на Комисијата за трансформација на работен однос при Општина Битола за кривично дело “Несовесно работење во службата“, по чл.353-в, ст.1 од Кривичниот законик на Република Северна Македонија, Тони Чавдаровски – претставник од СОНК во Комисијата за трансформација на работен однос при Општина Битола за кривично дело “Несовесно работење во службата“, по чл.353-в, ст.1 од Кривичниот законик на Република Северна Македонија, Наташа Ташкова Поповска – претставник од Општина Битола во Комисијата за трансформација на работен однос при Општина Битола за кривично дело “Несовесно работење во службата“, по чл.353-в, ст.1 од Кривичниот законик на Република Северна Македонија,

„Имено, согласно чл.66 од Законот за наставниците и стручните соработници во основните и средни училишта, горенаведената Комисија за трансформација на работниот однос при општините само ги прегледува документите доставени до неа од директорите на училиштата и по констатацијата дека документите се целосни и конкретниот кандидат ги исполнува со закон дадените услови за трансформација на работниот однос, треба да изготви извештај кој го доставува до Министерството за образование и наука. Самиот документ - извештај неспорно укажува дека Комисијата нема надлежност за донесување на одлука (зошто во спротивно ќе и беше дадена надлежност да носи управен акт - решение, одлука, заклучок), а спротивно на тоа, Комисијата составена од погоренаведените членови донесува одлука во конкретните случаи. За оние наставници и стручни соработници на кои после прегледот на документите ќе констатира дека не ги исполнуваат законските услови за трансформација, со известување само ги враќа документите до директорите на училиштата, со образложение кој од бараните законски услови конкретниот кандидат не ги исполнува.              

Понатаму, Комисијата била должна согласно законските одредби, тогаш кога го примила барањето за трансформација, веднаш да се состане во полн состав и да ја исполни својата законска обврска во најкраток можен рок, сѐ со цел да не се доведат во ситуација на нефункционалност институциите. Во конкретниот случај, Комисијата тоа не го сторила, на начин што еден од членовите од истата на секој одржан состанок отсуствувал, по што не можело да се донесе одлука и морале да се состанат уште неколку пати, а се тоа на штета на наставниците коишто имале уредно и во рамките на законот поднесено барања за трансформација на работен однос од определено во неопределено работно време.

Имајќи ја предвид сензибилноста на прашањето за кое Комисијата и е предвидена со закон – трансформација на работен однос, поточно право од работен однос, не случајно законодавецот утврдил дека претстваникот од Државниот просветен инспекторат, не само што е член на оваа Комисија, туку и нејзин Претседател. Ова со единствена цел, Државниот просветен инспекторат да гарантира законитост, навременост, ефикасност и ефективност во работата на Комисиите за трансформација на работниот однос, а тоа воопшто не е случај во конкретната ситуација.

Во чл.67 од Законот за наставниците и стручните соработници во основните и средни училишта, инспекцискиот надзор над спроведувањето на одредбите на овој закон и прописите донесени врз основа на овој закон, го врши Државниот просветен инспекторат и овластените општински инспектори, поради што за нас е неприфатливо, непрофесионално, токму членовите од Државниот просветен инспекторат во Комисиите за трансформација на работниот однос да ја кочат и опструираат нејзината работа со незакажување на седници или да дозволат селективност во постапувањата по поднесените барања и дозволат да се изврши трансформација на работниот однос на само дел од наставниците и стручните соработници кои ги исполнуваат со закон предвидените услови за трансформација.

Со горенаведените дејствија неспорно е дека од страна на членовите на Комисијата извршена е повреда на законските прописи за судир на интересите или за совесно постапување при вршењето на дискреционото овластување, односно на друг начин очигледно несовесно е постапено во вршењето на нивните овластувања и должности, а со тоа сторено е кривичното дело,,Несовесно работење во службата”, по чл.353-в, ст.1од Кривичниот законик на РСМ, па затоа предлагаме против горенаведените лица, членови на Комисијата да се поведе кривична постапка.“ пишува во кривичната пријава за  членовите на Комисијата за трансформација на работен однос – Битола         

Предраг Созовски, директор на ООУ Св. Климент Охридски, Битола за кривично дело “Несовесно работење во службата“, по чл.353-в, став 1 и кривично дело “Повреда на правата од работен однос” по член 166 од Кривичниот законик на Република Северна Македонија, Дијана Толевска Христовска, директор на ООУ Коле Канински, Битола за кривично дело “Несовесно работење во службата“, по чл.353-в, став 1 и кривично дело “Повреда на правата од работен однос” по член 166 од Кривичниот законик на Република Северна Македонија, Стевче Петровски, директор на ООУ Тодор Ангелевски, Битола за кривично дело “Несовесно работење во службата“, по чл.353-в, став 1 и кривично дело “Повреда на правата од работен однос” по член 166 од Кривичниот законик на Република Северна Македонија

„ Наведените лица и покрај тоа што имале можност како одговорни лица, не презеле чекори за заштита на угледот и функционалноста на институциите со кои раководат и дозволиле не само несоодветно одвивање на воспитно – образовниот процес, туку и го повредиле правото од работен однос на наставници вработени на определено време. Со горенаведените дејствија неспорно е дека од страна на горенаведените лица извршена е повреда на законските прописи за судир на интересите или за совесно постапување при вршењето на дискреционото овластување, односно очигледно несовесно е постапено во вршењето на нивните овластувања и должности, а со тоа сторено е кривичното дело ,,Несовесно работење во службата”, по чл.353-в, ст.1 од Кривичниот законик на РСМ. Гореспоменатите лица, исто така, свесно не се придржувале кон закон, друг пропис или колективен договор, за засновање или престанок на работниот однос, за платата и надоместоците на платата, работно време, одморот или отсуството, заштитата на жената, младината и инвалидите или за забрана на прекувремената или ноќната работа и со тоа повредиле, одзеле или го ограничиле правото што на работникот му припаѓа, а со тоа е сторено кривично дело “Повреда на правата од работен однос” по член 166 од Кривичниот законик на Република Северна Македонија„, се наведува во кривичната пријава од советничката група на СДСМ за директорите на овие три училишта. .