АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 17, 2024
СДСМ: Бојкоски имал сознанија за група која манипулира со каснатици од кучиња, а молчел!
Јуни 29, 2023
Интегрален текст од прес конференцијата на Јадранка Павловска, советник од СДСМ:
„Се зголемува бројот на кандидати од битолскиот огранок на ДПМНЕ кои сакаат да му прават друштво во прилепскиот затвор на нивниот сопартиец, Владимир Талески!
Заменик градоначалникот на Битола и координатор на советничката група на ДПМНЕ во Советот на Општина Битола, Бојан Бојкоски, имал наводно сознанија за криминална група која манипулира со каснувањата од кучиња скитници во Битола, а се до последната седница на Совет молчел и никаде не го пријавил тоа!
- Колку битолчани каснати од кучиња скитници носи на совест Бојкоски?
- Кога дознал за наводниот криминал што се прави со каснувањата од кучиња скитници во Битола?
- Зошто молчел до седницата на Советот одржана во вторникот?
Бојкоски одговорите им ги должи на битолчани!“
Интегрален текст од изјавата на Јадранка Павловска од СДСМ
„Коњановски и ДПМНЕ работат на систематско и смислено пустење на Битола и на безмилосно трошење на парите на битолчани! Со секој ребаланс на буџетот на Општината минатата година, градоначалникот Коњановски ги намалуваше парите за капитални инвестиции, а ги зголемуваше за шетање и разно – разни трансфери. Во првичниот буџет беа предвидени 8,6 милиони евра за капитапни расходи, односно изградба на улици и објекти, а 7,8 милиони евра за разни трансфери и договорни услуги.
Со првиот ребаланс на буџетот, средствата за капитални расходи беа намалени на 8,28 милиони евра, а за трансфери и услуги беа зголемени на 8,25 милиони евра. Со вториот ребаланс, Коњановски отиде уште подалеку. Ги намали парите предвидени за капитални расходи на 7,5 милиони евра, а ги зголеми за трансфери и услуги на 9,2 милиони евра.
Затоа почитувани битолчани, не ја гледате направена улицата што Коњановски ви ја ветуваше, ја нема градинката што Коњановски ја ветуваше. Не започна изградбата на училиштето во Буковски ливади. Го нема новоизградениот Планинарски дом Копанки. Нема ниту нова инвестиција во Жабени. Има срушени гаражи и трафики и еден синџир за возила кај Пионерски.
Со историски високиот процент на реализација на буџетот на општината со кој се фалат, Коњановски и ДПМНЕ се ладат со жешка вода. Ама, попарени сме сите ние во Битола.
Битола никогаш не била повалкана, Битола никогаш не била потемна, Битола никогаш не била понесредена од овие 17 месеци власт на Коњановски и ДПМНЕ, а се потрошија во ветер 30 милиони евра наши пари!“
Најчитани
