Соопштение на СДСМ Битола

Фотографии и видео со првиот снег на Пелистер годинава,   на својот ФБ профил сподели битолчанецот Николче Чкламовски, кој  по 149 пат денеска се искачи со велосипед на Антена. Во намера не го спречи ниту снегот.

Македонскиот уметник Зоран Кардула во чест на 4 Ноември, Денот на ослободувањето на Битола, изработи портрети од осумте народни херои кои во антифашистичката борба  ги даде градот и со чии дела битолчани и денес се гордеат. Портретите се преземени од неговиот ФБ профил 

79 годишнината од одбележувањето на Денот на ослободувањето на Битола 4 Ноември  донесе низа активности во текот на денешниот ден. Традиционално, се одржа крводарителска акција во општина Битола, на која вработените и граѓаните даруваа од најдрагоцената течност, која спасува човечки животи. Одзивот беше голем, а крводарителите и вработените во Одделението за трансфузиологија, кои што денес беа на терен, ги посети градоначалникот Тони Коњановски.

Тој посочи дека хуманоста на граѓаните во Битола е секогаш на завидно ниво, а истовремено од екипата на трансфузиологија, беше информиран за текот на самата крводарителска акција.

На отворено, на Плоштадот Магнолија, денес се одржа и Пинг-понг на отворено, во организација на пинг-понг клубот „Пелагонија“. Градоначалникот Коњановски изрази особeно задоволство што млади лица сакаат да се занимаваат со овој спорт и да бидат дел од пингпонгарскиот клуб. На обострано задоволство, градоначалникот одигра неколку меча со младите пингпонгари.

Традиционално, во хотелот Премиер, се одржа и Шаховсиот турнир за слепи лица, на кои што голем дел натпреварувачи ги одмерија силите во шаховските вештини.