АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Да ѝ помогнеме на наставничкава од ОУ Ѓорѓи Сугарев да ја стекне славата што ѝ ја вети ДПМНЕ!
Пред да сними клипче за својата партија во училницата, дури во позадина се слуша џагор на учениците, наставничкава требало да знае дека согласно член 9 од Законот за основно образование, во основното училиште се забранува партиско и верско организирање и дејствување, како и истакнување на партиски и верски обележја!
Важно е наставничкава да знае дека овој прекршок согласно член 170 од Законот за основно образование ќе го чини директорот на училиштето глоба во износ од 401 до 500 евра во денарска противвредност.
Го повикуваме директорот на ОУ Ѓорѓи Сугарев веднаш да преземе мерки и да ја санкционира наставничката која наместо да мисли на воспитно-образовниот процес, на децата и на угледот на звањето наставник, мисли на партијата и снима партиски клипчиња дури е на работа.
Ги повикуваме надлежните институции да постапат согласно своите надлежности и да утврдат одговорност за наставничката.
Важно е ДПМНЕ конечно да научи дека партијата не е над сѐ. Училишта, институции, министерства...заробени од ДПМНЕ се изнагледавме во минатото. И затоа важно е никогаш повеќе ДПМНЕ!
