Покрај НП Пелистер, европски пари во висина од 200.000 до 400.000 евра ќе добијат и НП Галичица, НП Маврово, Општина Дојран (Дојранско Езеро), Општина Ресен (Преспанско Езеро и Езерани), Град Скопје (Матка, Водно, Сарај), Јасен, Општина Струга, Охрид и Дебрца (Охридско Езеро, река Сатеска).

Промоцијата на добитниците на големите грантови од Програмата на ЕУ за подобрување на управувањето со заштитените подрачја ќе се одржи утре, 8 јуни, во инфо центарот на Националниот парк Пелистер, а на настанот ќе присуствуваат евроамбасадорот Самуел Жбогар, министерот за животна средина и просторно планирање, Садула Дураку и постојаниот претставника на УНДП, Луиза Винтон.