Битолчанката Јасмина Атанасова со својот роман „Напластување“ е селектирана во трката за престижната награда „Роман на годината“ за 2024 година.

Ова значајно признание ја истакнува Атанасова како дел од македонската литературна сцена и сведочи за квалитетот, длабочината и уникатноста на нејзиното творештво. Наградата, која ја доделува Фондацијата за унапредување и промоција на културните вредности „Славко Јаневски“, оваа година привлече 43 романи во конкуренција, меѓу кои и „Напластување“ на Атанасова. Жири-комисијата, составена од реномирани автори и книжевни критичари, ќе направи неколку селекции пред да го прогласи победникот до 15 март 2024 година.