ЈП Паркинзи Битола денеска информира дека обележувањето на велопатеките во Битола, продолжува со истиот интензитет како и минатата недела. Црвената боја со која се означени патеките не избледува, но издувните гасови од возилата предизвикуваат големо загадување кое често покрива и делови од патеката.

Сакајќи најдобронамерно да укажеме на најголемата причина за загадувањето во градовите, со фотографии посочивме една случајно избрана локација.

Објавата предизвика многу коментари со најразлични содржини. 

Без да навлегуваме во анализа на истите денес соопштуваме дека бојата со која се одбележува хоризонталната сигнализација ги исполнува сите стандарди кои се задолжителни за таа намена. Истата ги поседува сите релевантни сертификати од акредитирани лаборатории и се користи на најголемиот број на сообраќајници и јавни патишта низ Државата и регионот (барем во над 80% од официјалните локации).

При извршувањето на бележењето (таа иста боја) ги поминала сите надзори над досегашните изведби. Само за споредба и паркингот кај спортската сала и крстосницата наспроти него се означени со истата боја (паркингот без малку пред три години а раскрсницата наспроти него е бележена на 26-ти јуни годинава) а разликата од талогот предизвикан од сообраќајот е евидентна.

Денес повторно со фотографија претставен е дел од нова локација (локацијата намерно е избрана како една од сообраќајно пооптоварените во градот а и талогот на новите вело-премини е далеку пообемен од претходната локација). Улица Партизанска наспроти црквата кај новиот пазар, подлогата е третирана со благо абразивно средство и вода.

 

Можеме да претпоставуваме многу работи, можеме и да ги негираме фактите но тоа не значи дека проблемот со талогот од издувните гасови на автомобилите ќе исчезне, а бојата е тука. 

До секој од нас е каков град сакаме и како ќе го чуваме зошто сите ние живееме во него.

Очигледно, реалноста потврдува, дека час поскоро сите мораме да се одлучиме за алтернативен начин на транспорт, односно користење велосипед, со што ќе ја заштитиме животната средина и пред се, ќе си го зачуваме нашето здравје.