Средношколците од Државното музичко училиште во Битола денеска после пладне, одржаа мини концерт со композиции од класична музика пред „Веро“ на Широк сокак  вклучувајќи се во хуманитарната акција за лекување на  Сара Настеска. Битолчани изненадени од гестот на учениците донираа за лекувањето на девојчето.

 Средствата собрани на овој настан ќе бидат донирани за лекување на  Сара, 15 годишното девојчето од Охрид, на кое итно и е потребна трансплатација на коскена срж.

-Голема благодарност до сите хумани луѓе кои помогнаа успешно да ја реализираме акцијата. Средствата се уплатени, велат учениците од Средното државно музичко училиште во Битола.

Професорите задоволни од постапката на своите ученици напишаа - нашите ученици уште еднаш покажаа дека музиката и хуманоста не познаваат граници. Среќни сме што идеата да се помогне, да се спаси еден детски живот, произлезе од децата!