Венко Филипче ја наполни салата во седиштето на СДСМ Битола. Една недела по назначувањето на Зоран Стојчевски за претседател на ОО на СДСМ Битола Филипче дојде со цела свита да испрати порака во Битола дека стои зад Стојчевски, велат присутни на средбата.  Стојчевски добил поддршка и од поранешни пратеници кои на Филипче му рекле да го поддржи Стојчевски самостојно да го избере новото раководство во Битола. На средба присуствуваа сите противкандидати на Стојчевски за избор на локален лидер - Анета Сердарова, Јане Велкоски, Ѓорѓи Ѓоргиевски, Борче Корлевски и Тома Бакулевски. Сепак присутни велат дека на средбата не присуствувал поранешниот претседател Методија Куновски. .  . Филипче објави - Додека Мицкоски продава приказни за „економски успеси“, македонските работници имаат најниски плати во Европа,  инфлацијата достигна 5,7%, цените секојдневно растат, сиромаштијата се продлабочува, странските инвестиции се паднати за 60%, економијата оди надолу. Луѓето се оставени сами, без никаква поддршка од власта, со празни џебови и празни фрижидери.

 

Во Пелагонија состојбата е особено тешка. Млекопроизводителите и сточарите се на раб на опстанок. Оставени се на милост и немилост на млекарниците, без контрола, без заштита и без грижа од ресорното министерство. Секој ден е борба да се зачува производството, борба за егзистенција и за опстанок на македонското земјоделство.