На денешната конститутивна седница, Валентин Груевски од ЛДП, беше избран за претседател на Советот на општина Битола. За негоа гласаа 17 советници од СДСМ и коалицијата, двајца независни советници од граѓанската иницијатива „Поинаку“ и 1 советник од коалицијата на ДУИ. Сите 11 советници од ВМРО-ДПМНЕ гласаа против.

-На сите избрани советници им честитам, а на ОИК-Битола и се заблагодарувам за спроведените демократски избори, а им благодарам и на граѓаните кои на 15 октомври, достоинствено и мирно излегоа на избирачките места и го дадоа својот глас онака како што мислеа дека треба да го дадат.

Постигнавме апсолутен рекорд по бројот на освоени гласови во плуралистичка Македонија, и за градоначалник и за советничка листа , рече Валентин Груевски , носител на советничката листа на СДСМ и коалицијата, денеска на прес-конференција, заблагодарувајќи им се на граѓаните на Битола , за огромната поддршка на  локалните избори  во неделата.

-Победата на коалицијата „Живот за сите“ на локалните избори е величествена , над очекувањата, чиста како солза, победа на која не може да и се стави ни најмала забелешка-рече Груевски, кој ќе биде идниот претседател на Советот на Општина Битола.   

Нашата работа ќе биде видлива, транспарентна и отчетна. Советот ќе биде подршка на новиот градоначалник, но и коректив на нејзината работа, на работата на општинската администрација, порача Валентин Груевски , носител на листата на СДСМ и коалицијата.

-На 16 октомври  да го почестиме Талески со едно големо сиктер кафе, како симбол дека тој, неговите пајташи и политиките кои ги водеше никогаш повеќе не смеат да и се случат на Битола, порача Груевски во изборната кампања.  

-Од името на сите вас сакам едно да и порачам на Наташа Петровска:-Сите овие луѓе не сакаат втори, трети или четврти кругови, сакаат победа на 15 октомври , а на 16ти да го почестите Талески со едно големо сиктер кафе, како симбол дека тој, неговите пајташи и политиките кои ги водеше никогаш повеќе не смеат да и се случат на Битола.