Во Првата светска војна во Битола биле убиени 4224 цивили, претежно жени и деца. Имало 545 ранети, 647 згради и 216 куќи станале рушевини, 696 згради и 119 куќи биле оштетени, 845 запалени. Податоците се објавени во книгата „ Битола- најбалканскиот град во Првата светска војна“, промовирана на научниот симпозиум во Битола по повод 100 годишнината од крајот на војната. 

За првпат на меморијален споменик испишани се имиња на Македонци кои биле мобилизирани во туѓи војски за време на Првата светска војна и загинале на Македонскиот фронт. Станува збор за 32 имиња на Македонци изгравирани на Споменикот на Првата светска војна во Градина на мирот во Коломбел, Франција.

(По повод 99 годишнината од Денот на потпишувањето на примирјето во Првата светска војна ја пренесуваме животната приказна на Михајло Куртевски, кој будно ја чуваше секоја педа од Француските гробишта во Битола. Текстот беше објавен во 2005 година, додека Куртевски беше жив. Го пренесуваме изворно.)