Од Автомото Сојузот на Македонија соопштија дека прекинат е сообраќајот вечерва од 19,40 часот на патниот правец А3 Битола-Ресен поради поставен отпад од страна на жителите од населбата Баир. На ваков начин тие протестираа што дел од семејствата се без струја.

Ваквите блокади во минатото беа многу чести, па се случуваше патот да не е во функција со денови. Но, ова се повторува за првпат откако пред година и половина беше поставен заштитен ѕид на обиколницата. Целта беше да се обезбеди поголема заштита за населението кое живее непосредно крај коловозот, но и да се спречи фрлање и палење на смет на сообраќајницата.