На магичен начин со фотоапарат битолчанецот Иванчо Тошевски ја „улови“ атмосферата од мултимедијалниот спактакл во Офицерскиот дом во Битола, инспириран од „Снежната кралица„ на Ханс Христијан Андерсен.

„Зимската приказна е повеќе од магична“ напиша Тошевски, а неговите фотографии го потврдуваат токму тоа.

Спектаклот го подготви креативен тим воден од сценографот Валентин Светозарев и претствува неверојатно визуелно уживање испреплетено со филмски амбиент на фасадите на Офицерски, ЗД мапинг, музика компонирана специјално за овој проект и настап на професионални и актери аматери.

Битолчани ова ретко уживање можат да го проследат до 31 декември во Офицерскиот дом од 19 часот.