Нашата битолчанка  Андреа Нешковска дел од  тимот на  20. Меѓународна јуниорска олимпијада по природни науки- Бангкок , Тајланд

Ова лето беа одржани два селекциони натпревари за избор на тимот ученици кои ќе ја претставуваат Македонија на  20. Меѓународна јуниорска олимпијада по природни науки (IJSO 2023), која ќе се одржи во Бангкок (Тајланд), од 1 до 10 декември 2023 година.

По два селекциони натпревари на кои  беа поканети и учествуваа најдобро рангираните ученици од основните училишта на државните натпревари по физика, хемија и биологија организирани од Здружението на физичарите, Сојузот на хемичарите и технолозите на Македонија и Македонското биолошко друштво, во тимот од 6 претставници на нашата држава влезе и нашата битолчанка Андреа Нешковска.

Андреа Нешковска учествуваше како ученик од 9 одд при ОУ.„Св.Кирил и Методиј“ , а сега е  ученичка во прва година во гимназијата -СОУ “ Јосип Броз Тито”.

Тимот напорно се подготвува за олимпијадата, иако не им се обезбедени целосно финансиските средства за да отпатуваат во Тајланд.  

Поднесени се барања до Агенцијата за млади и спорт и дополнително ќе се пуштаат барања за спонзорство и до општините од каде што доаѓаат учесниците и фирми,  со надеж дека тимот ќе добие шанса да учествува на олимпијадата и да докажат дека овие млади деца се рамо до рамо со другите во светот.

А.Б