Десет лекари од приватните специјализанти се вработуваат во Клиничката болница Битола. 
Младите лекари на кои Владата на Република Македонија им даде вистинска шанса да ја започнат својата професионална кариера дома – во служба на здравјето на граѓаните имаа средба со директорката д-р. Ненси Лозанче.

- Денес во Клиничка болница - Битола им посакавме срдечно добредојде на нашите нови колеги – приватните специјализанти кои по успешно завршениот конкурс сега стануваат дел од нашиот тим!  Ова е уште еден чекор кон зајакнување на јавниот здравствен систем и кон обезбедување поквалитетна и подостапна здравствена услуга за сите.  Клиничка болница - Битола активно работи на тоа да ги задржи младите кадри и да создаде услови во кои тие ќе се развиваат, ќе напредуваат и ќе останат да ги лекуваат нашите граѓани тука, во својот град и татковина, изјави директорката на Клиничка болница Битола, д-р Ненси Лозанче.

А.Б