Градоначалничката Наташа Петровска најави дека Општина Битола ќе отвори официјален канал  на јутјуб за пренос на седниците на Советот  на Општина Битола.

Советникот од опозицијата Николче Јанкуловски во неколку наврати побара од Советот и градоначалничката Петровска транспарентен и целосен пренос на седниците на Совет.

Градоначалникот на Скопје Петре Шилегов синоќа преку комични и сатирични оценки за неговата работа даде отчет за сработено во првата година од неговиот мандат, пренесува СДК.МК.

На вечерата „Скопска прес дружба“, на која присуствуваа новинари, градоначалници, директори на јавните претпријатија на Град Скопје, како и дел од министрите во Владата, за работата на Шилегов говореа новинарот Сашо Ордановски, Бранко Огњановски и градоначалничката на Битола Наташа Петровска. Тие се шегуваа за комарците, проблемот со кучиња скитници, загадениот воздух, ваучерите за пијани возачи, сообраќајниот метеж…

Градоначалниците на општините Битола, Тетово и Гевгелија, Наташа Петровска, Теута Арифи и Сашо Поцков ја оценија како многу важна финансиска поддршка на Владата на Република Македонија, за покривање на заостанатите долгови на општините.  Градоначалниците сметаат дека се отвора  фискален простор со кој општините ќе можат полесно да планираат и реализираат развојни проекти во интерес на граѓаните.

„Ќе се ослободи фискален простор со кој општината ќе може средствата понатаму да ги насочи во подобрување на услугите кон граѓаните. Со подмирувањето на дел од долговите од страна на Владата, конечно, во образовните институции ќе може да се вложува за нормални услови во воспитнообразовниот процес“, рече градоначалничката на општина Битола, Наташа Петровска.

Министрите и градоначалниците дадоа поширок осврт за позитивните апсекти од новата мерка планирана во ребалансот на Буџетот за финансиска поддршка од 3 милијарди денари за покривање на заостанатите долгови на општините односно 51% од пријавените обврски како и за заштитните механизми предвидени во Законот за финансирање на единиците на локална самоуправа со кои ќе се воспостави ред во планирањето на општинските буџети.

„Граѓаните и стопанството ќе имаат бенефит од владината помош за отплаќање на дел од натрупаните, а неплатени обврски на локалната самоуправа. Граѓаните ќе можат непречено да ги добиваат општинските услуги. Фирмите ќе може да наплатат дел од своите побарувања, со што ќе се зголеми ликвидноста на стопанството. Владата ќе активира и заштитни механизми, за да не се трупаат нови долгови“, истакна министерот за финансии Драган Тевдовски.

Една година по преземањето на локалната власт, денеска, градоначалниката Наташа Петровска, пред медиумите излезе со отчет за реализираните проекти и оние кои се во тек.

Општина Битола ја набави целокупната потребна документација за реконструкција на Офицерскиот дом и сега се подготвени за распишување на тендер за отпочнување на реконтруктивни зафати, соопшти градоначалничката Наташа Петровска на денешниот отчет за една година локална власт.