Четири часа траела потрагата на спасувачките тимови по 2 планинарки кои се изгубиле  над планинските патеки кај Нижеполе на Пелистер. Акцијата ја реализрал Центарот за управување со кризи,  во координација со битолската Полиција, Ренџерите од НП „Пелистер“, Горската служба, Дирекцијата за заштита и спасување.

Младиот  Пантелејмон Трпчевски, студент и соработник на апла.мк уште од неговите средношколски денови, ја раскажува својата  приказна за неговата најголема пасија-планинарењето. За почетоците, првата средба со планината, неговата љубов, но и упорноста во најтешките мигови, кога поради повреда беше принуден да се „приземји“ и да паузира. Потоа,  за неговта истрајност, заедничките авантури со другарите, но и со семејството, за  убавините доживеани горе под облаците, за кратките видеа што ги сними  инспириран од  убавините на Пелистер кои му донесоа награда за најдобра репортажа  на  28  Интернационален Фестивал на аматерскиот документарен филм „Камера 300“. Целта е, вели  Пантелјмон, да  ја разбуди кај младите луѓе љубовта кон планинските височини, да се поттикнат да ја  користат  убавината која на битолчани им е на дофат.