Разбојник со вперен пиштол во вработените ограбил аптека во Битола. Настанот  се случил синоќа  околу 20 часот, кога  во битолската полиција било  пријавено Разбојништво од страна на вработена во аптека лоцирана на ул.“Филип Втори Македонски“. Непознато машко лице влегло во аптеката и веднаш се упатило позади работното биро, каде што вработените го броеле дневниот промет, извадил и репетирал пиштол, и откако ги зел парите и еден мобилен  телефон се дал во бегство.