Базенот за хидротерапија во Физикалното одделение на битолската Клиничка болница, денес  повторно е ставен во функција после долги години пауза.

-После многу години и кога  веќе никој немаше надеж дека повтроно ќе проработи, со ангажман на менаџерскиот тим предводен од директорот др. Зоран Лазаров и со поддршка на спонзорите, базенот на Физикалното одделение повтроно е пуштен во употреба. Се надеваме дека добрите услови што им ги нудиме на нашите пациенти многу ќе придонесат за нивна рехабилитација, вели Сузана Коневска, портпарол на КЛиничка болница-Битола. 

Пратеничката Јагода Шахпаска при денешната посета на Клиничката болница од Битола рече делка е пријатно изненадена од начинот на кој сегашниот менаџерски тим успева со лимитирани финансиски ресурси да управува со состојбите во битолското здравство.

„Информирана сум дека имаат околу сто вработувања од кои 37 доктори, 13 доктори се испратени на сепцијализација на гранки кои се неопходни за нормално секојдневно функционирање на Клиничката болница. Во интерес на граѓаните преземени се четири приватни специјализации во јавното здравство, примени се нови медицински сестри. Генерално, еден сериозен ангажман што очекуваме дека ќе даде резултат во догледно време во интерес на граѓаните на Битола и на соседните општини имајќи во предвид дека болницата покрива подрачје во кое гравитирата повеќе од 200 000 граѓани“, рече Шахпаска. 

Паркингот во Клиничка болница Битола започна со работа -наплата раководена конечно од страна на Клиниката. Сакаме да ги информираме нашите пациенти корисници дека првите 15 минути од паркирањето се бесплатни , 2 часа -30 денари и секој нареден час се наплатува +30 денари. За секоја загубена паркинг картица се наплатува 500 денари.Во недела влезот е слободен.Во тек е тендер за набавка на автоматска централа за самонаплата со што паркингот ќе работи 24 часа.Сакаме  уште да напоменaме дека во тек е уредување на клиничкиот двор и за многу брзо време ќе се започне со поставување на бехатон плочки, а дел ќе се асфалтира така што  ќе добиеме паркинг и клинички двор како што прилега на Битолската клиника, велат во соопштението од Клиничката болница Битола.

Денот на пролетта беше одбележан и во Клиничката болница во Битола со две големи активности. 

„Фирмата Бис Промет Агро Центар Битола, наши долгогодишни помагатели и соработници донираа 100 садници на ружи како би помогнале за убава глетка на нашите пациенти во нивниот период на хоспитализација. Ова се наши драги пријатели кои во 2018 исто така од нивна страна го покрија системот за наводнување низ целиот двор на болницата. На денешната средба меѓу нашиот менаџерски тим и преставниците на Бис Промет Агро Центар Битола стана збор и за понатамошна соработка. Директорот на Клиничка болница др.Зоран Лазаров од негово име а и од името на сите вработени како и од името на нашите пациенти изрази голема благодарност за успешната соработка со оваа реномирана фирма од нашиот град“, соопшти портпаролката на Болницата, Сузана Конеска.

-Акцијата „Дај свој придонес- засади дрво“ на тимот на Синпекс ДОО не ја одмина ни Клиничка болница Битола. Во делот на болницата од страната на Онколошкото одделение беа посадени 100 различни садници помогнати од многу работници за хортикултурно уредување во ЈП Комуналец и неуморните од Интерворк од нашиот град. Голема благодарност и до нив- рече Конеска.

Експерти од Кралскиот институт од Шведска прават скрининг на објектите на Клиничката болница од Битола со цел изнаоѓање на модерни еколошки решенија за снабдување со енегија.

„По иницијатива на хуманитарната организација ‘Хенд тил хенд’ и големите хуманитарци Марија и Томас Русенгрен од Шведска во рамките на проектот ‘Со хуманитарна рака до чиста енергија’ имаме посета на експертска група од Кралскиот институт од Стокхолм, Шведска, предводена од Нелсон Сомерфелд која прави скрининг на објектите на ЈЗУ Клиничк Болница Битола со цел реализација на проектот модерни еколошки решенија за снабдување со енергија во ЈЗУ Клиничка Болница Битола“, рече портпаролката Сузана Конеска.