Клиничката болница „Др.Трифун Пановски“ од Битола денес објави два конкурса за вработување на неопределено на 70 лица, од кои 52 медицински кадари, а останатите 18 кадри кои не се медицинари. Конкурсот ќе трае во следните пет дена и со новите вработувања болницата ќе се поднови со нови кадри во интерес на пружање поквалитетна здравствена услуга на пацинетите.

Регистриран нарко зависник е 34 годишниот битолчанец кој вчера починал во Клиничката болница во Битола. Портпаролот на болницата Сузана Конеска, за апла.мк изјави дека лицето е примено во болницата кога виталните функции покажувале знаци на смрт, веднаш бил реанимиран, но безуспешно.

-Вчера претпладне во болницата примено е лице на 34 годишна возраст, на кој виталните знаци покажувале смрт, пацинетот веднаш бил реанимиран, но за жал безуспешно. Според законските обврски од Законот за здравствена заштита, пацинетот кој  е примен во рок од 24 часа и не е воспоставена дијагноза, а во овој случај се работело од само половина час по примањето во болница, должни сме како установа да побараме обдукција, која подоцна ја побара и ОЈО, ни изјави портпаролот на Клиничката болница Битола, Сузана Конеска.

Таа,  дополни дека,  обдукцијата е извршена врз починатото лице, земен е потребниот материјал за испитување и по извршените анализи истиот ќе биде доставен до Основното јавно обвинителство во Битола.

Конеска потврди дека според нивните податоци лицето било регистрирано како зависник од дроги.

Според извештајот на полицијата од Клиничка болница Битола, вчера во 11 часот во СВР Битола, пријавиле дека на интерното одделение починал Б.К. (34) од Битола.

По наредба на јавен обвинител, над телото на починатиот  е наредна  обдукција. Увид извршила екипа од СВР Битола.

Зголемен обем на работа се чувствува во последните два до три месеци во Клиничката болница во Битола, откако се расипа апаратот за томографија во болницата во Охрид.  Поради тоа термините за снимање на компјутерот се зафатени до крајот на април, велат од прес-службата на болницата во Битола, со напомена дека за итните случи секогаш се остава простор за истиот ден да се заврши снимањето.

Десет ученици од демирхисарското основно училиште „Гоце Делчев“ се здобиле со полесни телесни повреди утрово во сообраќајна несреќа што се случила на патот Демир Хисар-Кичево помеѓу автобус во кој се превезувале демирхисарските ученици и комбе.

На гинеколошкото одделение во битолската болница, покрај реконструираните болнички соби , сега повторно на располагање на родилките им е реновираната ВИП соба, која извесен период не беше во употреuба. Управниот одбор на болницата донесе одлука за оваа соба на гинеколошкото одделение да се наплаќаат симболични 300 денари на ден