Во просториите на  НУУБ „Св. Климент Охридски“ - Битола се одржа традиционалната 15. Роднокрајна средба на битолските писатели во Македонија. На тркалезната маса учествуваа повеќе писатели со трудови на тема: „Моите ликови -од страв и немоќ во револт кон човечките вредности“.  Модератор на средбата беше д-р Николче Вељановски. Сите текстови ќе бидат објавени во 15-тиот Зборник на излагања.

Универзитетската библиотека „Св.Климент Охридски“ од Битола по повод Меѓународниот ден на жената, 8-ми Март, организира оригинална изложба на книги од женски автори. Над 150 книги од македонски авторки се изложени во холот на Битолската библиотека. Меѓу книгите има поезија, проза, литература за возрасни и деца. Излжбата покажува колку македонската жена била и е креативна кога станува збор за пишаниот збор.

Од понеделник секој ден од 11 до 13 часот во Националната универзитетска библиотеката „Св. Климент Охридски“ ќе им се читаат бајки на децата, во детската читална. Проектот е насловен „Да им читаме на децата“.

Од Библиотеката порачуваат: „Треба само да ги донесете Вашите деца без мобилни телефони!!!“

Нема ограничување на возраста.

Книгите се нешто волшебно. Тие им овозможуваат на децата да откријат нови светови, да запознаваат нови работи и да учат за минатото, но исто така имаат и преобразувачка моќ.

Со чествување на делото на Горан Стефановски, Универитетската библиотека во Битола „Св. Климент Охридски“ денеска го одбележа својот патрон празник. На неговото творештво се осрвна реномираниеот македонски поет, есеист, литературен критичар Раде Силјан, кој рече дека творештвото на Горан Стефановски е длабоко сраснато за македонската почва, преточено во  брилјантен драмски јазик кој комунцира на широки релации.

Обемот на проблемот со насилството врз жените и девојчињата станува алармантен. Една од три жени во Европа е жртва на физичко или сексуално насилство. Речиси сите жртви на трговија со луѓе поради сексуална експлоатација во рамките на ЕУ се жени и девојчиња. Во земјите во развој едно од три девојчиња е во брак пред да наполни 18 години. Мора и кај нас во Македонија да нѐ загрижува тоа зашто постојат малолетнички бракови и се зголемува нивниот број, рече Фатма Бајрам Аземовска од „Сумнал“ -Здружение за развој на Ромската заедница во рамки на кампањата „16 дена активизам за спречување на насилството врз жените и девојчињата“ која започна од 25.11.2019 година и трае до 10.12.2019 година.