Фабриката за опрема и делови од Битола во очи на утрешниот голем христијански празник донираше клупи и шандани во црквата “Св. Кирил и Методиј“ што е главна црква во манастирот во  селото Лознани во  Општина Могила.

Според Методија Тасевски, директор на ФОД-Битола, донацијата е изработена на барање на манастирската црква, при што се поставени шест клупи и шандани за свеќи.  А овој месец фабриката донирала и во црквата „Св. Илија“ во селото Крклино како и  во црквата во селото Брусник. Тасевски вели дека од фабриката наскоро ќе бидат испорачани и донации што ги побарале други црковни одбори, месни заедници, училишта и градинки. 

Општина Новаци е на врвот на општините со најголема излезност во текот на денешното гласање на претседател на државата. До 13 часот на гласање излегле 33,12 насто и од гласачите.

Во Општина Могила за истиот период излезноста изнесува 18, 57 насто.

Општина Могила интензивно работи на реализација на повеќе инфраструктрни проекти, информираат од оваа локална самоуправа. Пристапни патишта за земјоделците во Ношпал, подобрување на теренто во излетничкото место „Дупен Камен“, а во наеленото место Трновци по барање на месната заедница се пробиваат полски патишта и се поставуваат цевки за да се спречи поплавување на полето.

Могилчанецот Стефан Сакурмовски го фати светиот крст што во водите на река Шемница го фрли отецот Славе Петровски по повод големиот христијански празник Водици.

„Ова за мене е голема радост, светиот крст значи здравје, љубов и голем бериќет“, рече Сакурмовски.

Тој по крстот скокаше заедно со дваесетина други мажи во реката која беше замрзната, па за да се направи обичајот, претходно го имаа искршено мразот во делот каде што се фрли крстот. 

„Традиционално тука крстот се фрла во водите на река Шемница без разлика колку и да е студено. Јас 24 години го фрлам крстот, отсекогаш во реката, не паметам да сум го фрлил во базен. Овој голем христијански празник им о честитам на сите верници и сакам да му посакам на среќникот кој го фати крстот здравје, среќа, бериќет. За многу години да е, нека ни е честита славата“, рече попот Славе Петровски.

На церемонијата присуствуваа над двесте могилчани и верници од други места, како и градоначалничката Јасмина Гулевска. Од Општината соопштија дека во 15 населени места каде што се фрлаше крстот на територијата на што ја зафајќа општина Могила, со одука на Совет и програмата за култура, за Водици доделкуваат ваучер со 5000 денари и по една икона за сите оние што ќе имаат среќа да го фатат крстот.

Могила празникот Водици го одбележа право со лицитација на икони во црквата „Св. Архангел Михаил“, каде поголема група верници имаа можност да лицитираат и купат икони. Потоа, верниците со литија и пеејќи стари водичарски песни се упатија кон реката Шемница каде се одржа традиционалното фрлање на светиот крст.

Ново, изградено од темел монтажно училиште добија учениците во селото Ношпал, Општина Могила. Во ОУ „Браќа Миладиновци“ во селото Ношпал  се школуваат околу дваесеттина ученици од прво до петто одделение.