Вие не сте вашето минато, Вие не сте она што ви се случило, Вие не сте вашето однесување, Вие не сте вашите порази и триумфи. Вие сте она што сте одлучиле да бидете сега!

Често среќавам луѓе, кои се заглавиле некаде во нешто што припаѓа на минатото. Тоа се случува најчесто кога не можеме да прифатиме нешто од него, нешто кое не ни е јасно, нешто кое се случило или најчесто нешто од кое излегуваме повредени, па тоа директно или индиректно зависело од нас. Така ден за ден, ставајќи го фокусот на тоа, тој дел станува секојдневие преку нашите мисли и минатото станува актуелна сегашност. Наместо минато, на кое треба да му го покажеме местото на кое припаѓа на нашата временска линија, ние стануваме ,,главни виновници,, кои го продолжуваат животот кој не постои, а толку е присутен. Како поминува времето, колку повеќе сакаме да се ослободиме од него, толку тоа станува поприсутно. Ако за некого зборуваме секојдневно, за нешто размислуваме секојдневно, а поминало, корисно е да си го поставиме прашањето: Дали можем тоа да го променам сега? Ако не можеме треба да прифатиме дека се што поминало, така требало и да биде. Се е за наше добро.

Чарли Чаплин во една прилика кажал шега на која сите се смееле, ја кажал истата шега и по втор пат, па се смееле неколкумина, веќе третиот пат никој на тоа не се смеел, па Чаплин им рекол ,,ако не се смеете на иста шега секогаш кога ќе ја слушнете, тогаш зошто се грижите секој ден за истите работи,,?

Вие сте тие што му давате сила и моќ на нешто што не постои. Вие сте тие што можете да го прочистите сегашниот момент од нешто што завршило некаде таму, а влијае на него. Реално многу малку простор се одвојува за сегашноста, затоа што фокусот ни е на она што било или што ќе биде, па го пропуштаме сегашниот момент, оптоварен само со нешто кое постои во нашиот ум. И да постои сегашоста, таа е контаминирана со се она што не припаѓа таму. Корисно е да размислите што моментално постои во вашиот живот, а што веќе е минато. Ако сегашноста е контаминирана од минатото кое Вие преку вашите мисли го реанимирате секој ден, време е да го сфатите тоа, да отпуштите и да го ставите на вашата временска линија хронолошки на местото на кое припаѓа. Знаете дека е тука, но ја користите само лекцијата од него. Прочистете ја сегашноста од настани кои не припаѓаат таму, од нешто кое се случило или треба да се случи. Потоа помислете што навистина постои, сега ? И, така уживајте во неа, “олеснета” од нешто кое било или треба да биде.

Ако постои нешто кое не можете да го простите, треба да знаете дека има начин. Прогресивните сесии за менување на фокус и простување ви стојат на располагање, а секој од Вас пред да се одлучи за коучинг процесот има можност за инфо разговор.

Пишува: м-р Билјана Галовска, професионален коуч и НЛП тренер, предавач на Бизнис Академија Смилевски во областа на организациско однесување и комуникации. Инфо Оваа е-адреса е заштитена од спамботови. Треба да ви е овозможено JavaScript за да ја видите.

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

17 годишната Мариа Дима од Букурешт, Романија, добитничка на највисоката награда на „Мал битолски Монмартр“ има битолско потекло, велат организаторите на фестивалот.

Поради пандемијата со КОВИД-19, таа не можеше да дојде во Битола и да си ја подигне наградата, па ќе му биле испратена преку Романскиот конзулат и Амбасадата.

Инаку, Дима слика од мали нозе, а во просториите на Детското ликовно студио „Св. Кирил и Методиј“ изложени се петнаесетина нејзини цртежи, кои изобилуваат со случки од секојдневието, пејсажи, живот во село. Но, посебно место со својата убвавина заземаат цртежите на кои ја насликала битолската архитектура. На една од творбите изнесени се нејзините импресии од некое претходно гостување на „Монмартр“, па покрај насобраните гости е насликан и творецот на фестивалот , Коста Хаџи Антоновски.

Ж.З.

Екипи на КЈП „Нискоградба“ деновиве работат во надворешниот дел на Oфицерскиот дом, поставувајќи нова атмосферска и фекална канализација, која ќе биде приклучена кон главната улична одводна каналска мрежа.

Градоначалничката на Општина Битола Наташа Петровска и директорот на КЈП „Нискоградба“ Методи Силјановски извршија увид во работата на терен. Силјановски појасни дека со атмосферската канализација, покрај надворешните води од објектот, ќе бидат опфатени и атмосферските води од партерното уредување.

Вредноста на оваа инвестиција е 1,5 милиони денари, средства од Општина Битола.

Во внатрешноста на објектот се работи на сите катови од Офицерскиот дом, според предвидената динамика. Во одредени делови е поставена нова дограма, а се работи и на поставување на инсталационите системи. 

 (Државното музичко училиште од Битола годинава празнува 73 години од своето постоење. Во 1947 година започна со работа Нижото музичко училиште, со одлука на тогашната Народна влада на Р.Македонија. Наставата започна да се одвива само со еден клавир, две труби и неколку виолини. Првите педагози во скромни услови, несебично го пренесувале своето знаење на 148 ученици во таа прва година на постоење. После дванаесет години, музикото во нови простории за прв пат добива концертен клавир. Во 1962 се формира Средно музичко училиште.

„Нашето училиште е многу значајно за културното издигање на градот како и за афирмација на Битола и Македонија насекаде низ светот. Нашето музичко семејство е огромно, битолското музичко училиште е расадник на музичари, инструменталисти, теоретичари, хористи, солисти, професори. За жал, поради состојбата со вирусот КОВИД-19, ова се тешки моменти и за културата и образованието во Македонија, па така оваа година, за прв пат од своето постоење, Музичкото училиште нема да одржи годишен концерт“, пишува на интернет страницата на Музичкото училиште.

Но, годишнината нема да ја остават необележана, па изработија видео со музички изведби на учениците од Државното музичко училиште во Битола.