Со полагање свежо цвеќе пред спомен плочата, денес беа одбележани 184 години од создавањето на Противпожарната единица во Битола. Градоначалничката Наташа Петровска изјави дека вложени се 157 000 евра во подобрување на условите на Противпожарнатаединица и остварени се 15 нови вработувања со што зајакнат е кадровскиот потенцијална единицата. 

„Се гордеам како градоначалник што во овој период успеавме да вложиме 157.000 евра во подобруање на условите во протипожарната единица. Имаме 15 нови вработувања, што значи зголемување на капацитетите од човечки ресурси. Тоа покажува дека ова раководство на локалната самоуправа и јас како градоначалник, сме ставиле акцент на исклучително значајна служба, која што е одговорна за животите на нашите граѓани. Во таа насока мора да се движиме. Им го честитам Денот на пожарникарството на нашите пожарникари, но истовремено укажувам дека не е одговорноста само нивна, одговорноста е на сите нас како граѓани, затоа што чувањето на околината и на нашите животи, сепак зависи и од сите нас и нашето однесување“, рече градоначалничката Наташа Петровска.

Годинава, споредено со минатата година е намален бројот на пожари, но сепак, останува истиот апел, да не се пали оган на отворени локации.

„Од овој град започна институционализираното делување на противпожарната служба на Балканот и на тоа мора да сме горди. Нашата единица е подготвена за сите оперативни состојби на терен, а пожарникарите се, биле и ќе бидат во служба на граѓаните. Моментално единицата располага со 39 пожарникари, од кои 31 во битолската единица, а по 4 лица на припомош во општините Могила и Новаци. Со соодветната нова опрема и возилата, сметам дека може да се справиме за брза интервенција, што е прв и почетен услов за секој пожар. Најважно од се е што со зголемениот човечки потенцијал, можеме полесно да се организираме“, рече Поповски.

Битолската територијална противпожарна едицина е една од ретките која располага со специјализирани возила за шумски пожари.  

Денес е Денот на пчелата, а учениците од одделението IV б од Основното училиште „Елпида Караманди“ од Битола, предводени од нивната одделенска наставничка Гордана Угриновска, вредни како пчели, од утрово преку онлајн настава изработија творби посветени на овој корисен инсект. Творбите што ги испратија до нашата редакција содржат пораки дека пчелите се планетарно чудо и дека без нив живот на планетата Земја нема да има, како и за тоа дека производот што го даваат, медот, им дава здравје на децата.

„Многу ни е важен еко системот и кон него треба да градиме правилен и одговорен однос токму затоа мора од мали нозе децата да се едуцираат за овие состојби, да имаат познавања за важноста на животната средина и да ја штитат природата, а и пчелите во неа зашто без нив нема живот на нашата планета“, вели наставничката Угриновска.

Полицијата досега поднела само една прекршочна пријава на 15 мај на лице од Битола кое не носело заштитна маска, информираат од СВР Битола за апла.мк. 

Освен во големите маркети и некои други трговски објекти, каде купувачите не можат да влезат без маска, малкумина граѓани ја почитуваат уредбата за носење лична заштита, ниту пак се почитува уредбата за држење физичка дистанца

Транспортен респиратор во вредност од 480 000 денари донираше Здружението на пензионери од Битола во Клничката болница „Д-р Трифун Пановски“ во Битола. Донацијата е обезбедена со средства на Здружението, а и раководителите на органите и телата во него се откажаа од средствата за април и мај за да бидат искористени во хуманитарни цели. 

Градските линии на општинскиот линиски превоз, почнувајќи од утре 20.05.2020 ќе сообраќаат наизменично како во досегашниот период, но без прекин, од 06:00 до 17:00 часот, вклучително и во сабота. Со ова се укинува двосменскиот редуциран режим на сообраќање на автобусите, кој беше воведен соодветно на потребите за движење на граѓаните, а согласно заклучоците на Владата на РСМ, соопштија од Општина Битола. 

Во време на коронакриза која наметна затворање и на музеите низ светот, битолскиот "Завод и музеј", виртуелно преку фотографии објавени на ФБ профилот на дел од предметите во Постојаната музејска поставка, симболично го одбележа Светскиот ден на музеите, 18 мај. 

"Во Постојаната музејска поставка,  се изложени околу 2000 предмети. Се надеваме дека преку овие фотографии ќе го разбудиме Вашиот интерес за нашето културно наследство, и по завршувањето на кризата поврзана со појавата на COVID - 19, ќе не посетите!, се наведува во пораката на "Завод и музеј"-Битола

https://www.facebook.com/467582486592882/posts/4141606172523810/