Во ОУ „Елпида Караманди“ се изведува комплетна реконструкција на санитарните јазли и целосно реновирање на тоалетите. Овој проблем беше еден од најгорливите за училиштето, во кое што настава посетуваат над 750 ученици. 

Државниот инспекторат за транспорт во периодот од 4 до 12 мај направи 183 инспекциски надзори. Констатира дека меѓу општинскиот сообраќај е се уште поприлично редуциран, односно редуциран е за 95 проценти. 

Во целосен прекин се меѓуградските линии од Скопје кон Охрид, Битола, Ресен, Пробиштип, Кратово, Крива Паланка, Кочани, Берово и обратно. А меѓуопштинскиот превоз на патници од Скопје за Тетово и обратно и од Скопје за Куманово и обратно исто останува во преќин, изјави Магдалена Филиповска Грашкоска , претседател на Инспекцискиот совет. 

Во Битола, Кичево, Ресен и Демир Хисар  започна скринингот за КОВИД 19 на вработените во градинките, соопштија од Центарот за јавно здравје. Скринингот се спроведува со земање на брисеви од нос и грло во следните пунктови:
Битола
• Пункт сместен во школската амбуланта во ОУ Даме Груев
• Пункт сместен во школската амбуланта во Гимназија Јосип Броз Тито
Кичево
• Пункт сместен во кругот на Општа болница- Кичево
Ресен
• Пункт сместен во Здравствен дом- Ресен
Демир Хисар
• Пункт сместен во близина на Домот на културата

Планирано е да се тестираат вкупно 308 лица вработени во градинките и тоа во:
• Битола -216
• Демир Хисар -21
• Кичево од -49
• Ресен -22

Битолските музичари со онлајн изведба на бесмртниот хит на Битлси ,,Hey Jude". Изведбата е толку добра што останатите битолчани рекоа дека ова се „Битлси“ на битолски. 

,,Целта ни беше да го искористиме  слободното време и конечно да оствариме соработка, а со тоа и да внесеме  позитива во нашето секојдневие во овие времиња", велат музичарите. 

Песната ја изведоа Тамара Стојковска, Софија Костовска, Елена Стојчевска, Јасна Димитровска, Ирена Димовска, Виктор Апостоловски како вокали, потоа Владко Симоновски вокал, а настапува и на електрична гитара, Кристијан Магденовски и Стефан Новевски - акустична гитара, Васко Ќосевски - бас, Даниела Радевска - виолончело, Александар Лолевски - флејта, Иванчо Тодоровски - кахон, бонги Филип Јездич - тапани, Давор Нечак - клавијатура.  Аудио микс/мастер - Владко Симоновски  и видео уредување.  

Четири лица од локалното населени во ромската населба на битолскиот Баир се вклучени во проектот "Креирање можности за работа на сите-главна фаза" кој се реализира преку УНДП со поддршка на Општина Битола и ЈП Комуналец.

Деновиве масовно се чисти каналската мрежа во Пелагонискиот дел на Општина Битола, во околината на селото Логоварди, со средства од општината во висина од 205.000 денари.

 АД ЕСМ успеа да го добие (обнови) сертификатот за управување со квалитет ISO 9001:2015, и покрај отежнатите услови, пред се во комуникацијата, предизвикани од пандемијата од КОВИД-19. Голем дел од комплексната постапка на сертифицирање се одвиваше по електронски пат, согласно препораките за превентивни мерки за спречување на ширење на вирусот. Сертификациската проверка се изврши преку т.н. Remote Audit Form, односно преку видео-конференциски врски и електронско обезбедување на документацијата.

Сертификатот е добиен од реномираната куќа на светско ниво TUV NORD CERT GmbH од Германија. АД ЕСМ положува големо значење на сертификатот ISO 9001:2015, со оглед на тоа што сертификатот обезбедува строго пропишан протокол за работење и потврдува дека компанијата работи по систем за менаџирање на квалитетот, кој е фокусиран на потребите на клиентите и е гарант за испорачување на ниво на квалитет коешто е преземено како обврска.