Македонско научно друштво-Битола во рамки на јубилејот – 60 години МНД-Битола, додели признание, кристална коцка и јавна благодарница на проф. д-р Стево Пендаровски, претседател на Република Северна Македонија.

Шефот на државата приреди прием за делегација на МНД-Битола предводена од претседателот проф. д-р Марјан Танушевски и членките на раководството, д-р Мери Џарлиева и доцент д-р Невена Груевска кои претседателот Пендаровски го информираа за историјатот на Друштвото, програмските активности и издавачката дејност.

-Пријатно сум изненаден од богатата историја на МНД-Битола, мисијата и визијата. Ви честитам за ангажанот и традицијата што ја негувате, истакна претседателот Пендаровски, а во знак на благодарност, претседателот на МНД-Битола, проф. д-р Танушевски му подари примероци од јубилејната монографија „60 години ДНУ/МНД-Битола, 1960-2020“, новиот број на списанието „Современи дијалози“ и посебното издание „Прилози“ со трудови од научниот собир „Академски такт за фолклорот и етнологијата“.

Нема да има цвен тепих на годинешното 41 издание на Интернационалниот фестивал на филмска камера „Браќа Манаки“ кој нема да се одржи во својата претходна форма поради пандемијата со ковид-19. За разлика од седумте фестивалски дена од претходно, годинава ќе има само еден централен настан во Битола, што ќе се одржи денес на отворено во  Пациото на Музејот на Битола. Влегувањето на гостите ќе се одвива од 17,45 часот, а од  18,30 часот ќе почне манифестацијата и директниот пренос.

Надминат е техничкиот проблем кој се појави утринава при аплицирањето на граѓаните на Општина Битола на јавниот повик за субвенционирање на домаќинствата во општината за набавка и монтажа на високоефикасни инвертер клима уреди, информираат од локалната самоуправа

Манастирот Рождество на Пресвета Богородица во село Новаци се подготвува за одбележување на големиот христијански празник Рождество на Пресвета Богородица. Општина Новаци упати апел до верниците кои ќе го посетат манастирот дека годинава имајќи ја во предвид состојбата со коронавирусот, манастирската слава ќе се одржи според пропишаните мерки и протоколи за заштита од ковид-19.

„Грижејќи се за духовното, но и за телесното здравје на своите верници, општина Новаци и манастирската управа ќе ги превземат и спроведат сите мерки согласно законските правила и услови за заштита од вирусот.Од таму упатуваат и апел до сите верници задолжително да се придружуваат на мерките и протоколите за превенција од ширење на коронавирусот. Поради пандемијата оваа година ќе изостанат досегашните официјални приеми, приредување на манастирски ручек и културно-уметничка програма. Со носење на заштитна маска и држење на физичка дистанца верниците ќе можат да го посетат бисерот на Пелагонија, да и оддадат почит на Пресвета Богородица како и да присуствуваат на вечерната богослужба со која ќе чиноначалствува митрополитот Петар на 20.09.2020 (недела ) со почеток во 19ч. Утрената Божествена литургија ќе биде на 21.09.2020(понеделник) со почеток во 8 часот“, соопштија од Општина Новаци.

Вработените од ЈП "Стрежево" - Битола го одбележувaa Светскиот ден на чистењето со акција за чистење на акумулацијата Стрежево, која обезбедува вода за пиење и технолошка вода на општините Битола, Новаци и Могила. Акцијата се спроведе во соработка со Здружението „Go Green“.

Утрово во  8.00 часот  започна аплицирањето на граѓаните  од Општина Битола на јавниот повик за субвенционирање на домаќинствата  за набавка и монтажа на високоефикасни инвертер клима уреди. Но. после неполн  час се создаде технички проблем, а од Општина Битола велат дека се работи на негово отстранување

Ноември месец 2018 , ден пред стемнување. Денот и ноќта се мешаа, како што понекогаш се миксира и нашиот животот, без наше барање. Со самото влегување во просторијата за коучинг, таа стана дел и од мојот. Седнува наспроти мене, личноста со широко отворени очи. Кога ќе поставам навидум непријатно прашање (додека меѓусебната комуникација ни кажува дека не е време да се отвори темата, која и двете знаеме дека стои како сенка во позадина) таа кажува нешто неважно. Има потреба да стекне доверба, да проговори, а сака искреност. ,,Додека губиме време,, и анализираме кои сме, чувствувам дека нема да е лесно она што ќе го каже. Немаш решение, а немаш одговор. Во суштина коучингот има прашања, кои генерираат ваши одговори, а насетувам дека очекува решение преку мојот одговор. А, тој го немам, не јас! Не, на начин каков што го замислуваше!

Се провлече тешка енергија низ просторијата. Тежеше и воздухот од нејзините усни: ,,Ме малтретира - проговори, и продолжи – размилував колку ќе биде лесно ако не постојам, одев и на психијатар”. Неколку минути владееше мртва тишина.

Прашав : ,,Имаш ли ти свои граници,,?

Х: ,,Немам,,!

Јас: ,,Кога би имала, која е твојата крајна граница,,?

Х: ,,Ја немам, не постои,,

Не беше нерешлив случај, таков нема. Денес веќе не е случај, но беше тежок нејзиниот ментален образец во кој целосно беше заглавена. Некогаш не постојат инстант решенија, затоа што и проблемите не настануваат инстант. Понекогаш многу брзо учиме, а тоа е случај само кога силно сакаме да си помогнеме себеси.

Затоа немојте да посакувате да сте во чевлите на некој друг, некоја паметна, интелегентна, средена, убава жена, вредна и толерантна, спремна да му помогне на секој, затоа што не знаете кој терет човек со себе го влече. Понкогаш не знаеме кои се нашите граници, но ако веруваме полека ќе се појават.

Поминуваат скоро две години од таа средба, кога ја зеде одговорноста за сопствениот живот во свои раце. Сеуште сме во контакт. Излегувајќи од образецот на жртва таа дозволи универзумот да ја одвои од партнерот и тоа безболно. Ако кажеме дека е слободна како птица ќе згрешиме. Сеуште е повредена и чекори низ тие калливи дупки, но се сака себеси, својот живот, децата, природата, работата и најважно од се си дозволи да биде своја со свои граници, кои ги почитува.

Ова е дел од нејзиното искуство кое ме замоли да ви го пренесам. Сега за себе знае дека не сака да ги оживува билките кои се веќе мртви, ама вели дека е таа во оние кои расцветуваат. И верувам, и тоа од првиот момент кога зачекори кај мене. Понекогаш верувањето е единственото нешто кое ни е потребно, за се друго сме способни сами.

Пишува: Билјана Галовска, НЛП тренер и професионален коуч