Реконструкција на влезот на Битола од страната на Охрид кон Довлеџик, како и на потегот од Трново до Магарево. За ова се обезбедени средства со ребалнсот на буџетот на Општина Битола, во чии рамки беше направеа промена на неколку развојни програми. Со нив освен влезот и патот во Подпелистерието опфатени се и реконструкција на Индустрискиот пат, улицата „Втори Август“ за која се чека одобрување и парнерно уредување на Офицерскиот дом.

“Сите тие се влезени како развојни програми за кои од буџетот ќе се трошат средства и оваа и следната година. Влезот ќе се подели во две фази, едната од кадешто завршува Довеџик до мостот, а потоа од мостот до влезот кон Пелистер. Тој дел во следниот период убедени сме дека ќе се направи бидејќи се при крај сите постапки“, рече Валентин Груевски, претседател на Советот.

На денешната седница на Совет опозицијата критикуваше дека власта се фали со изградба на патишта, а има слаба реализација во сооветните ставки.

„Ветуваа дека ќе изградат 120 улици во Битола, а одржување и заштита на локални патишта и регулација на сообраќај само 18 проценти реализација на програмата. Програма изградба на јавно осветлување само 4, 02 проценти, Програма изградба на системи за водоснадување 1.9 проценти, Програма изградба и реконструкција на локални патишта и улици 13,19 проценти. Со ребалансот се прават дополнителни нелогичности. Во делот на програмата за изградба и реконструкција на локални патишта и улици 13,19 проценти реализација, а со ребалансот дополнителни 12,9 милиони денари се предвидени. Се обидуваат преку измени на бројките да ја избегнат одговорноста пред граѓаните, а уште понелогично е што планираат да градат патишта и улици, а во Програмата за изградба за системи за водоснабдување намалуваат. Како планираат да градат нови патишта без да градат системи за водоснабдување“, рече Иванчо Тошевски, координатор на советничката група на ВМРО-ДПМНЕ.

Градоначалничката Наташа Петровска запрашана од новинарите за обвинувањата на опозицијата дека не виделе багери да го раскопаат градот, рече дека тоа што не гледат е нивен проблем. Но, факт е дека имаат реализирано еден милион евра во инфраструктурни зафати.

„Денес со ребалансот на буџетот се лоцирани средства дури и за реконструкција на патот на потегот Трново-Магрево што е над 25 милиони денари, за што градежната дозвола е веќе извадена. Досега имаме релизирано ифраструктура над 1 милион евра , но дел од тоа не е влезено во денешниот квартаен извештај зашто оние кои се извршители на работните обврски ги немаат доставено фактурите. Секаде каде што влеговме со инфраструктурни зафати во изминатиот период, реакцијата на граѓаните е дека тоа не е направено по 30 до 40 години. Опозицијата имаше време 12 години да направат нешто повеќе за Битола, па немаат кредибилитет, ни легитимитет да зборуваат уште повеќе за нашиот град“, рече Петровска.

Вкупно единаесет основни и средни училишта во Битола бараат да се реализира настава со целосно или делумно физичко присуство на учениците.  Шест од вкупно 12 основни училишта во општина Битола бараат настава со физичко присуство за учениците од четврто до деветто оддление и за учениците во комбинираните паралелки од прво до петто оддление. Вакви барања поднеле битолските основни училишта „Д-р Трифун Пановски“, „Елпида  Караманди“, „Ѓорѓи Сугарев“ и „Коле Канински“ за кое е одобрено од Советот на општината за настава со физичко присуство во две подрачни училишта во село Буково и село Поешево, како и основните училишта ОУ „Александар Турунџев“  од с.Кукуречани и ОУ „Крсте Петков Мисирков“ с.Бистрица.

Владата на денешната седница одлучи дека во Ресен ќе исплати парична помош во висина од триесет проценти од износот на проценетите штети од невремето кое на десети јули лани ја погоди Преспа. Од невремето кое беше прогласено за елементарна непогода, проследено со ветер налик на ураган со удари од 180 до 200 километри на час и силни врнежи од град и дожд, беа оштетени овошки на 400 хекари, а штети имаше по куќите и други објекти во Преспа.

На покана на делегација од .Албанија,членки на Оргнизација на жени на Општина Битола остварија средба,со предлог за збратимување на двата града Битола и Поградец,како и друга билатерална соработка за женско претприемништво.

„Бевме гостинки во Општина Поградец каде срдечно не' пречекаа Флутура Шабија,претседател на Советот, Шпреса Блацери,советник во Општина Поградец и заменик градоначалничката на Општина Поградец. Ентела. Како прекрасни домаќинки на оваа средба,жените од Поградец не' почестија со една прошетка до селото Лин,сместено на мал полуостров на Охридското Езеро. Тука се откриени пронајдоци од византиска црква (во која бил крстен Јустинијан),која претставува културен споменик и има мозаик сличен на Хераклеа. Попатно ја посетивме и цркавата Света Богородица
После ова следуваше мала разгледница на Поградец,а пред поаѓање за Битола,домаќинките не' почестија со прекрасен ручек со желба за повторна средба кај нас во Битола“, соопштија од Организација на жена од Битола