Брачниот пар Катерина и Воислав Вујиќ, членови на невладината организација ЦЕТ платформа, се дел од проектот „Европа на вашит праг“ кој веќе една година се реализира со европски пари, а има за цел да ги доближи европските вредности до граѓаните. На последната работилница што од денес се одржува во Битола дојдоа со своите неколкумесечни  близнаци, а на шега велат дека и тие  се дел од придобивките на проектот. Вкупно 11 градови и невладини организации се дел од овој меѓународен проект, а покрај општина Битола, учествува и општината - Вила Боа До Бишпо од Португалија.

Верувале или не, најмалиот член во Националната универзитетска библиотека „Св. Климент Охридски“ во Битола е роден во 2018 година и има само една година. Родителите го зачлениле од бебе иако не може да чита. Тие изнајмуваат сликовници, приказни, бајки за него и редовно му читаат. Сакаат од мали нозе да ја вкоренат љубовта кај нивното дете кон книгата, затоа и симболично членската карта ја извадоа на негово име.

Министерот за земјоделство,шумарство и водостопанство Трајан Димковски при неговата посета на општина Новаци, заедно со градоначалникот Љубе Кузманоски и директорот на Агенцијата за финансиска поддршка во земјоделството и руралниот развој Никола Бабовски направи увид на проектите што се реализирани со средства од Агенцијата за финансиска поддршка преку програмата за рурален развој.

Општина Новаци преку Програмата за рурален развој реализира два инфраструктурни проекти -Изградба на локален пат до с.Тепавци во должина од 3км и изградба на локален пат од крстосница од с.Старавина-с.Будимерци до манастир Св.Атанас ,с.Старавина во должина од 811 м со вкупна вредност на двете инвестиции од 23.6 милиони денари и проектот за изработка на урбанистички планови за 6 населени места во вредност од 11 милиони денари кој е во тек на реализација.

Типот на  сензори за мерење квалитет на воздухот какви што се инсталирани и во Битола добија престижната награда за најдобар сензор во категоријата "Monitoring and Awareness in Outdoor Air" (Мониторинг и свесност за воздухот на отворено) на "AIRLAB Microsensors Challenge 2019" организиран од AFD и Airparif во Париз (Франција), соопштија од платформата „Земи здив“.

„За време на натпреварот беа сеопфатно тестирани 34 сензори од целиот свет врз база на 44 параметри во временски период од 4 месеци во француската престолнина Париз и неговата околина. Глобалната мрежа Airly е избрана за најдобра компанија меѓу оние со ниски трошоци за мерења на отворен простор“, велат од „Земи здив“.

Петар Атанасовски е ученик во средното техничко училиште „Ѓорѓи Наумов“ во Битола, и годинава (по втор пат) за празникот Водици го фати Светиот крст на главната црковна церемонија во храмот „Св. Димитриј“ во Битола.  Петар има една желба да биде професионален војник, а на своите врсници им порачува да стојат подалеку од дрогата и алкохолот.

Во Битола од двете државни мерни станици работи само едната. Макрадули рече дека преку Интерег програмата за прекугранична соработка со Грција ќе се постави уште по една мерка станица за аерозагадувањето во Гевгелија и Битола. Рече дека политиката за аерозагадувањето секоја земја членка на Европската Унија ја гради врз основа на скапи станици, а не на сезнори кои можат да дадат индикативни податоци.

Градоначалничката на Могила, Јасмина Гулевска, и по повеќе од две години нема информација до каде се кривичните пријави против поранешниот градоначалник Стево Пивковски, поднесени веднаш по доаѓањето на новата локална власт.

Во Основното училиште „Кирил и Методиј“ во Битола се пушти во употреба новиот еколошки систем за греење со клима инвертери. Инвестицијата е вредна пет милиони денари, пари обезбедени преку Министерството за животна средина, по проект на Општина Битола.